Shkolla Normale e Prishtinës
Shkolla Normale e Prishtinës ishte një institucion i rëndësishëm arsimor, edukativ e kulturor për përgatitjen profesionale të mësimdhënësve.
Historiku
[Redakto | Redakto nëpërmjet kodit]- Shkolla Normale e Prishtinës 1941 - 1945
Në periudhën mes viteve 1941 - 1945 ky institucion zyrtarisht quhej Shkolla Normale "Sami Frashëri" e Prishtinës. Ajo konsiderohet të jetë shkolla e parë normale në gjuhën shqipe në Kosovë dhe si e tillë paraqet shkollën e mesme më të rëndësishme në "tokat e lirueme". Me vendimin e Ministrisë së Arsimit në Tiranë të datës 12 nëntor të vitit 1941, Shkolla Normale e Prishtinës filloi punën më 17 dhjetor të vitit 1941. Drejtor i shkollës fillimisht u caktua dr. Rexhep Krasniqi e më vonë prof. Ahmet Gashi ndërsa personelin arsimor e pedagogjik e përbënin: Lirak Dodbiba, Reuf Zajmi, Zeqir Spahiu, Musa Dizdari, Myftar Spahiu, Filip Ndocaj, Zymer Berisha, Vasil Andoni, Lazer Berisha, Abdurrahim Buza, Adem Bazhdari, Kolë Parubi, Lorenc Antoni, Fet'hi Dizdari, Ibrahim Kelmendi, Efthim Deri, Zeqir Bajrami, etj. Në kuadër të personilit të shkollës ishin edhe tri mësuese: Concettina Rocco, Vittore Lulichi dhe Cornelina Fadesco. [1]
- Shkolla Normale e Prishtinës 1953 - 1974
Shkolla Normale e Prishtinës në periudhën 1953 - 1974 ishte njëra ndër institucionet më të rëndësishme edukative e arsimore për hapësirën shqiptare në të ashtuqujaturën RSFJ dhe si e tillë paraqet një universsitet të llojit të veçantë. Në kuadër të personelit arsimor e pedagogjik të shkollës punuan: Sali Nushi, Zekeria Rexha, Tajar Hatipi, Rexhep Hoxha, Pajazit Nushi, Jashar Rexhepagiq, Zeqir Bajrami, Enver Gjerqeku, Beqir Kastrati, Shefqet Veliu, Ahmet Mumxhiu, Demush Shala, Abdulla Zajmi, Jak Mita, Drita Dobroshi, Jusuf Shushka, Kemal Deva, Vahide Hoxha, Hazir Shala, Nexhat Ibrahim, Ditar Qamili, Bahri Bajrami, etj. [2] [3]
Shih edhe
[Redakto | Redakto nëpërmjet kodit]Referime
[Redakto | Redakto nëpërmjet kodit]- ^ Fjalor Enciklopedik Shqiptar. Akademia e Shkencave e Shqipërisë, Tiranë, 2008 - 2009, fq. 2487.
- ^ Abdullah Vokrri, Jashar Rexhepagiq: Shkolla Normale e Prishtinës : (1953 - 1974). Libri shkollor, Prishtinë, 2004. Faqet e librit 223. ISBN 9951-07-223-2
- ^ https://www.botasot.info/opinione/1038085/normalja-e-prishtines-bazament-i-arsimit-shqiptar/