Mikroskop

Do wichtichste Deele fon n eenfachen Mikroskop:

1. dät Okular af Oogenglääs
2. die Objektivwikselrevolver
3. do Objektive
4. groawe Ienstaalenge
5. fiene Ienstaalenge
6. die Objektdreeger
7. die Speegel
8. ju Bliende un die Kondensor

N Mikroskop is ne Reewe foar dät bekiekjen fan Dingere, do tou litjet sunt uum mäd dät bloote Ooge tou sjoon. Mikroskope wäide t.B. bruukt foar mediske, biologiske un forensiske Unnersäikengen un in ju Technik bie Unnersäikenge fon Materioale.

Ju Wierkenge fon dät Mikroskop beraut ap ju Breekenge fon Lucht. In ju Skizze hier unner sjucht me dän Loop fon dät Lucht. Fon dät Dingen wät me bekiekje wol (Objekt) gungt dät Lucht truch ju Linse 1 (dät Objektiv) un bildet dan ne uumekierde Bielde (Image 1), ju dät Ooge (eye) bekieket Linse 2 (dät Okular). Juust as bie dät Fergratterengsglääs sjucht dät Ooge dan ne stäärk fergratterde uumkierde Bielde (Image 2). Dät aplöösende Fermuugen fon n optisk Mikroskop is begränsed truch ju Woogenlaangte fon dät Lucht. Dät hat, dät me Seeken litjer as sun hoolwe Mikron deermäd nit sjo kon. Foar fienere Dingere ferwoant me n Elektronemikroskop.

Wo dät Lucht in n Mikroskop lapt.

Twäärssnit fon n Mikroskop.

Galerie Mikroskop

• 
  Labor-Mikroskop
• 
  Binokuloar Labor-Mikroskop
• 
  Mikroskop-Binokiekere
• 
  Stereo-Mikroskop
• 
  Mikroskop-Objektive
• 
  Mikroskop-Objektive
• 
  Mikroskop-Objektive
• 
  Mikroskop-Okulare
• 
  Mikroskop-Meetokular
• 
  Stereo-Mikroskop-Okular
• 
  Mikroskop-Okular
• 
  Mikroskop-Okular

Mechaniske Paate fon Mikroskope

• 
• 
• 
• 
• 
• 
• 
• 
• 
• 
•