Gunung Agung
Gunung Agung | |
---|---|
![]() Gunung Agung taun 1989 | |
Luhur | 3,142 méter (9,944 suku) |
Perenah | Bali, Indonesia |
Koordinat | |
Tipe | Stratovolcano |
Panungtungan bitu | 1964, 2017 |
Rute panggampangna | leumpang |
Gunung Agung nyaéta salasahiji gunung nu perenahna di Propinsi Bali, Indonésia. Dina 3,142 m saluhureun laut, ieu stratovolcano mangrupa gunung pangluhurna di Pulo Bali. Ieu gunung aya di Kacamatan Rendang, Kabupatén Karangasem, Propinsi Bali.[1]
Gunung Agung aktip kénéh, sabab kawah nu lega jeung jero téh sakapeung mah sok ngaluarkeun haseup jeung lebu. Ti kajauhan, ieu gunung katempo nyongcot sampurna sok sanajan kawahna lega.[1]
Ti pupunclut gunung urang bisa nempo pupunclut Gunung Rinjani di pulo Lombok, sanajan duanana remen kasimbutan ku halimun. Wanci nu pangalusna keur naék ka gunung agung téh nyaéta waktu balébat atawa carangcang tihang, mangsa hawa beresih kénéh, loba tetempoan pamandangan nu éndah jeung pikabetaheun.
Naék gunung
[édit | édit sumber]Aya tilu jalan utama nu deukeut tur ilahar dipaké keur naék ka ieu gunung. Ti kidul, wétan kidul, jeung ti kulon. Ti kulon mangrupa jalan nu pangumumna, sabab bisa dipaju ti Pura Besakih téténjoan nu éndah sapanjang lalampahan. Penting keur nu naraék ka gunung kudu mawa cai sorangan, sabab teu meunang ngala cai sapanjang jalan alatan dianggap suci. Loba taneuh jeung batu nu ngagolosor, ku kituna penting ogé maké sapatu nu cocog keur kasalametan.[2]
Bitu taun 1963-64
[édit | édit sumber]Nalika gunung bitu, lahar na ngagulidag ngan sababaraha meter baé ti Pura Utama Besakih jadi henteu nimbulkeun karuksakan nanaon. Ieu kajadian ku urang Bali dianggap hiji mukjizat jeung totonden ti para Dewa, yén Dewa nembongkeun kakuatan nu kacida rohaka tapi hente ngaruksak wangunan nu geus dijieun pikeun ibadah urang Bali. Dalah ti kitu, dina ieu kajadian saeutikna 1000 urang palastra jeung sababaraha Desa ancur burakrakan ditarajang bituna ieu gunung.[2]
![](https://upload.wikimedia.org/wikipedia/commons/thumb/2/28/Bali_Mts_Agung_and_Batur.jpg/300px-Bali_Mts_Agung_and_Batur.jpg)
![](https://upload.wikimedia.org/wikipedia/commons/thumb/f/f5/Map_indonesia_volcanoes.gif/300px-Map_indonesia_volcanoes.gif)
Tempo ogé
[édit | édit sumber]Tumbu luar
[édit | édit sumber]- nodak.edu Archived 2005-01-23 di Wayback Machine
![]() |
Artikel ngeunaan Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Dicutat tina
[édit | édit sumber]- ↑ a b Jalan-jalan Bali. 2008. ISBN 9789797803025.
- ↑ a b Intensive-Learning English. 2008. ISBN 9789799255440.