Perang Balkan
Perang Balkan nyaéta perang singget nu tujuana marebutkeun Turki di Éropa.[rujukan?] Perang Balkan lumangsung taun 1912-1913.[rujukan?] Dina perang kahiji, Turki diusir ti Éropa (iwal Konstantinopél) ku Sérbia, Bulgaria, Yunani jeung Monténégro.[1]
Perang Balkan I
[édit | édit sumber]Perang Balkan kahiji dimimitian nalika Monténégro nyerang Albania kalér kaping 8 Oktober 1912, teu lila anggota himpunan séjén ngamimitian nyerang Usmani.[rujukan?] Perang ieu lumangsung nepi ka ayana gencatan senjata kaping 20 Méi 1913.[rujukan?] Harita bangsa Bulgaria aya di Catalca kurang leuwih 40 km ti Istanbul.[rujukan?] Sésa daérah kakawasaan Usmani di Éropa direbut ku sekutu séjéna. Sapuluh poé sanggeus Pajangjian London ditandatangan, netepkeun yén wates Kakaisaran Usmani di Éropa nyaéta 100 km ti Istanbul.[rujukan?] Sapoé sanggeus tandatangan, Mahmut Sevket Pasha dibunuh di Bezayit Meydani.[2] Sérbia teu puas kana ahir perang Balkan kahiji ku kituna Sérbia nungtut Bulgaria sangkan nyerahkeun Macedonia nu ngabalukarkeun dimimitiana Perang Balkan II.[1]
Perang Balkan II
[édit | édit sumber]Perang Balkan kadua dimimitian kaping 29 Juni 1913, nalika bangsa Bulgaria ngaluncurkeun serangan ngadadak ka Yunani jeung Sérbia teu lila dibantuan ku Rumania jeung Monténégro.[rujukan?] Kabuktian, opat sekutu leuwih kuat ti batan Bulgaria nepi ka dipaksa nyerah.[rujukan?] Enver nyokot kasempetan jeung mingpin pasukan pikeun ngawasaan deui Edirne kaping 21 Juli.[rujukan?] Perang ieu sacara resmi dipungkas ngaliwatan Pajangjian Bukares ditéken kaping 10 Agustus 1913.[rujukan?] Bulgaria kudu nyerahkeun bagéan-bagéan daérahna ka tilu nagara nu meunang nyaéta Yunani, Rumania jeung Turki.[2]