Tangled
kaladi’tuan a bukes kalalikeluhan (kamu nu Hulam:
misiwkay (簡介)
[mikawaway-kalumyiti | mikawaway tu kalumyiti sakatizeng bangu]ina iga sa nipicidekan a pitapalan tu nu gisuay a nikasaditan, sipakaydaen nu tinnaway a nutineng (CGI) atu nu dutusay a mangga a nalimaan mapalamel tu kasahecian, maylayap henay tu nu caay kau tatengay a nipikulitan tiya (NPP) mapabaluhay kya nikulitan a piadihan. nika i pisangaan a kutusi nu masakaputay sikalitemuh ku katinengan a pikingkiw, kungku nu pasumad atu ya mamukeliday a mapaliyun, sadikuday sa pulung han sa makaala tu enemay a mihcaan a sikadem malaheci, atu pilawpesan tu 2.6 yit nu Amilikaay tu sasangaan nu kalisiw, uynian a masausiay sa "kaladi’tuan a bukes kalalikeluhan" masa u nu kaidawan nu likisi iziw pisangaan tu mangga u satalakaway nipaacaan , i kaidawan nu kahaminan a kacudu sa sinikaala tu i ayaway sakalalima nipasilsilan.
iti sipaadih katukuh ayda sa, ina iga a mapacakayay nu paya sa sikala tu lima nu yik 9072 nu mang a kalisiw nu Amilika kayadah, i labu sa kasibekan ku nu makay i Amilika atu Cianada a kanatal idaw ku tusaay nu yik, sikapanukas tu nu nikatekesan pisangaan a palawpes, masa u nu sinitanan a kacudu, kutusi sa kaidawan i katuuday a miadihay nu binawlan kapah ku nipatukilan. iti 2010 a mihcaan nikalingatuan sikaala tu ya Auseka hananay, a pabaluhayan nu datuk a kawlah, atu iti 38 a kaydungay ya Anni hananay kayadah nu nipangangan. 2011 a mihcaan tulu a bulad 29 a demiadan sinicuduhan tu ya masasumilaway a likat nu kungtiye atu ya DVD, 2012 a mihcaan maycuduh tuya micidekay masaapuyuay nu iga, 2017 a mihcaan idaw henay ku pipatahkal tu nu Tiseni a balidan nipabaluhay a kacudu "kaladi’tuan a bukes kalalikeluhan: nipaayaw nu da’su" atu ya idaway tu nu kacudu "kaladi’tuan a bukes kalalikeluhan".
u kungku (劇 情 大綱 )
[mikawaway-kalumyiti | mikawaway tu kalumyiti sakatizeng bangu]很久
katenesan ina ayaw sa, idaw kya tesi’ sananay kalamadacan nu cilal likat sa isasa, tuwa sikapaengaw mucelak kya balu. anu cimanucima maysuayaw tiya baluan mudadiw sa, sikangaay tu ku imelang atu kasalungan nu udip. pinapinaay tu hakay ku kalakuwitan nu lasubuay a mihcaan, idaw kya singanganay tu ci Ke-so a bayi miida tiya baluan kasalungayan nu wayway nida, sikatukuh i nikatepa nu hitay kya balu, kakayda hantu a sipisangaay tu cay sabili atu imelang nu Kuying. satusa mulecuh kya kuing tu masakimay ku bukes nu tataynaan a wawa ci Le-pay han a pangangan, ya bekes nida sa kaidawan tu sapitima’ a icelang, sikatineng niKe-so sa kuy madih a miuvbi tiya bukesan,nika anu sayiten kya bukes sa a sikalawpes nu sapitima’, kakayda hantu ni Ke-so cebisen nida ci Le-pay dimuten i masatalakaway a tatungduhan nu kayakay. sipacebaan nida ci Le-pay u ina kaku han, tuwa sakamuen nida tu katalawan ku i hekalay han a pasubana, cay pisulul a paydang ci Le-payan. i paymihcaan pilecuhan ni Le-pay sa, u masahungtyay a kanatal idaw ku nipabahel tu kalamangay i tapuku tu tinghuy, singalih a taneng sinililidan tiya kahdawan a kung-cu pananukas taluma’. katenesan tu sinina’ tu ci Le-pay i masatungduhay nu kayakay a micekul tiya tinghuyan, katawidan nida kuyian, sinidateng tu maydih a miliclic mihulak tiya kasingalihan nu simpi, iti kademan pilecuhan i ayaw nu sabawwalu a mihcaan ni Le-pay sa, milunguc cinida tu ci Ke-soan taneng a tahkal mididaw tu pabahel nu tinghuy, nika ci Ke-so sa caay pisulul tu pilunguc, cay pisengal a mitungusay tu hakalay a tademaw u misamawmaway amin tu bukes nida han a patalaw.
cacay a demiad, kasingalihan i simpi sinadakec tu kaidawan nu buluku a mialaway a tademaw ci Fey-lin Lye-te, ubiyan kya nu hungtiay a buluku nu kung-cuay a masakimay a sabuud, sabanaan nida kya sikalcabayan a calekakaan. iti nipilaliwan nida sa alaw mungangaw ku picumud i puenengan ni Le-pay i masatungduhay a kayakay, kyu pakay nu dikudan sipituktuk ni Le-pay tu nabi’ kasinawalan, dimud hantu i bangkuy. taluma’ satu ci Ke-so sa, pasakamu han nida tu sikayda mahdih a pakatineng kaidawan nida tu icelang maypulu tu makatalay a tademaw, nika ci Ke-so sa cayay tu pisulul tu nidateng niLe-payan, milunguc tu amana piliyas itini sa.
ci Le-pay masulul nida a maysakamu tu ci Ke-soan, a micakay tu micidekay a sapakulit han nida a sapaamit tu udip i pilecuhan a demiadan. piliyasan niKe-so sa, niubiyan ni Fey-lin dimutan niLe-pay kya sabuud nu hangtiay, pacician nida ci Fey-lin adingen ku udip nida a tayda mimelaw tu tapukuay a tinhuy, sikatukuh i kademan nu kawaw sa a sipabelien nida kya sabuud nu hungtiay.
miliyas tiya matatungduhay a kayakay i nudikudan sa, ci Fey-linladayen nida ci Le-pay tanu lacu’say nu tadukay a papatawsian atu simakatalay a kitidaan, kaydihan nida sa u patalaway panukas tu ci Le-payan, nika ci Le-pay sa pabangbang tu kaidawan nu udipay a pacepcep, mitudawa tina lacu’say amin mikilim tu nu udipay a sasimpien. ci Ke-so sa i kalitemuhan nida i dadan kya tapang mamikeliday nu hitay , salengacay a subayu nikacawan nu tapang ci May-si-ma-se, makadateng tu sikatepaan tu nu hungtiay a tademaw ci Le-pay, satusa matabal tu a pananukas i masatungduhay a kayakay, matepa nida kya nidimutan tu kabang atu ya sabuud, atu sapidakep ci Fey-linan a cudad, satusa misabalucu’ a mulekal a midakep tina tatusaan.
u mamisebengay, ci May-si-ma-se atu ci Ke-so makatukuh tu i papatawsian a kitidaan, ci Le-pay atu ci Fey-lin kinapina a kalaliwan nunuheni, satusa i sasa niya pipulu tu nanun a kkitidaan mangangayaw, u nu heni sa malaup nu ada i mamaenucay a buhangan, makatapal ci Fey-lin tu a caay katenes ku sikaudip nida, kyu pakatineng tu ci Yuking ku tada ngangan aku satu, ci Le-pay mulatuh tu kaidawan nida anu mudadiw sa malikat ku bukes sa, mawawah ku punu nida a taneng sipacilu ku nu udipay a icelang sikatepa ku sakatahkal nu dadan, kyu mapabesut ku pilaliw nu heni.
另一
u duma sa, ci Ke-so tulcek sa makalitemuh tuya sisaiducay a malkakaay, sipatahkal han nida kya makay tatungduhay a sabuud, mahinum nida ku balucu’ niya mahidaay tu maydih a pabacunaay tu ci Fey-linan masasulayap a tatusa.
sananal sa, ci May-si-ma-se katepaan nida ci Fey-lin atu ci Le-pay, mitanam a midakep ci Fey-linan, nika mapulu ni Le-pay sikamu u pilecuhan nida ayda sa, sihedek a masatedep ku kasasulacussiiducay satu. maladay ku nu heni micumud i buluku nu hungtiay a kanatal midang. i kalabian sa maladay cinida atu ci Yukim pabalunga taydaen i hekal nu buluku, mapalaheci ku pizizaw tu tapukuay a tinghuy a simpi, ya tatusaay sa makatapal tu mamaelmu ku heni tu kasasuadih. ci Fey-lin sikadih nida kya malkakaay sidikecayi tukas, misaketun a sipabeli kya sabuud nu hungtiay, a uyni ku sapiketun tu kalalibetan nu nadatungan. nika ya malkakaay atu ci Ke-so kaidawan tu ku pisabanaan a paceba, siapuna tu katatiihan ci Fey-lin maydih a mudimud tiya sabuud nu hungtiay a milaliw sa. kyu laday hantu ni Ke-so pataluma’ ci Le-pay, satusa ci Fey-lin namadakep sa a sipidesdes a hang musaybang tu pihacengay a kalabadesan.