Iqlimi Toçikiston
Iqlimi Toçikiston — iqlime başiddat qorraī[1] va dar ostonai manotiqi nimagarmserī va mu'tadil ba daleli mavqeijati çuƣrofijoiji on dar qorai Avruosijo ast. Ba tavri kullī nimagarmserī bo navasonot qobili tavaççuhi rūzona va fasli damoi havo, borandagi kam, havoi xuşk va pūşişi kamabr[2].
Viƶagihoi kullī
[viroiş | edit source]Iqlimi Toçikiston vobasta ba omilhoi tabiī az had zijod garm va xuşki kontinentalī meboşad, ba omilhoi tabiiju çuƣrofijoiji zerin vobasta meboşad[3]:
- mavqei çuƣrofijoiji Toçikiston dar kanori arzi şimoliji mintaqai subtropikī;
- xususijati xossi gardişi umumiji atmosfera;
- mavqei Toçikiston dar doxili qit'ai Avruosijo.
Dar bajni omilhoi iqlimtaşkildihanda mavqei çuƣrofijoī ahammijati avvalindaraça dorad. Onro peş az hama dar kadom arzi çuƣrofijoī voqe' gardidani mintaqa muajjan menamojad. Hududi Toçikiston dar bajni arzhoi 36°40 va 41°05 arzi şimolī dar kanori şimoliji mintaqai subtropikiji Nimkurai şimolī çojgir ast. Iqlimi on asosan xuşk (kontinentalī) buda, bodu havojaş zud-zud ivaz meşavad. Zimistoni xunuk, bahori serboron va tobistoni xuşki Toçikiston bo jakdigar zud ivaz meşavand. Taƣjiri I., ba holati digar guzaştani on ba farqi sathi mahal az s. b. vobasta ast. Baroi vodihoi pasti Toçikiston iqlimi subtropikī, dar mintaqai mijonakūh iqlimi mu'tadili garm va iqlimi xunuk xossi balandkūhho ast. Xususijati iqlimi Toçikiston afkanişi zijodi nuri Oftob ba sathi Zamin meboşad. Muvofiqi omor, davomnokiji mijonai solonai nurafkaniji Oftob ba hisobi mijona 2 097–3 166 soatro taşkil medihad. Zeri ta'siri on dar rūi zamin qismhoi tarkibiji tabiat, az çumla, relef, ob, xok, olami nabototu hajvonot, obhoi doxilī, kompleksi tabiī, ziroati kişovarzī taşakkul joftaand. Naqşi I. dar çobaçoguzoriji sanoat, şaroiti zindagī va salomatiji aholī nihojat buzurg ast. Bino bar in, hangomi çojgirkunī, barnomarezī, istifodai inşooti hidroenergetikī va sanoatī, şahrsozī, kişovarzī, naqlijot, nigahdoriji tandurustī xususijat va ta'siri I. ba nazar girifta meşavad. Har qadar kunçi aftodani nuri Oftob ba mahal kalon boşad, hamon qadar sathi zamiji beştar garm meşavad, agar xurd boşad, mutobiqan kam meşavad. Dar tahvili zimiston (22 dekabr), balandiji Oftob ba kunçi 28°, dar tobiston ba kunçi 75° barobar ast. Vobasta ba in, buzurgiji mijonai nurdihiji solonai Oftob dar hududi Toçikiston az 151 (dar nazdi obanbori Bahri Toçik), to 176,1 kkal/sm² (dar pojgohi obuhavosançiji pirjaxi Fedcenko, ki dar balandiji 4 169 m çoj giriftaast) farq mekunad. Ammo afkanişi nuri Oftob ba sathi Zamin na hameşa dar hama mahal faqat ba arzi çuƣrofijoī vobasta ast. Zero dar atmosferai zamin buƣi ob, abrho, cangu ƣubor mavçud ast, ki jak qismi garmī va ravşaniji Oftobro furū mebarand va parokanda mekunand[3].
Hududi Toçikiston dar çoi ta'siri jakcand çarajoni şiddatnoki gardişi atmosferī voqe' ast. Jake az onho antisikloni sibirī dar fasli zimiston meboşad. Mavçho (anbūh)-i sard az Arktika to hududi çanubiji Toçikiston merasand, ammo kūhho, ki kişvarro az şimolu şarq ihota kardaand, baroi vurudi havoi sard mone' meşavand. Vurudi havoi sard dar fasli zimiston, ma'mulan, dar natiçai nufuzi anbūhi havoi garmserī rux medihad. Çarajoni muhimmi digari atmosferī – afsurdagiji (pastşavii) harorati tobistonho beştar ast. Ba şaklgiriji on nazdikiji bijobonho va kūhhoi baland musoidat karda, ba on havoi sof, xuşk va xele garm xos ast. Kūhhoi Qurama, Turkiston, Zarafşon va Hisor, ki ba tarzi arzī tūl kaşidaand, peşi harakati çarajoni havoi xuşki şimolī va şimolu şarqiro girifta, baroi bevosita ba ƣarbi vodihoi Farƣona, Zarafşon va qismi çanubiji çumhurī doxil şudani on mone' meşavand.
Anbūhi havoe, ki dar in jo on nohija doimī jo dar davomi jagon fasli sol hukmron ast, namudi iqlimro muajjan mekunad. Bo tavaççuh ivaz şudani ta'siri anbūhi gunoguni havo vobasta ba faslhoi sol ba sababi dar markazi qit'ai Avruosijo va az uqjonusho dur voqe' gardidani Toçikiston, iqlimi on nihojat kontinentalī meboşad. Hududi Toçikiston dar zeri ta'siri du markazi anbūhi havoi atmosferī qaror dorad: namu narmi atlantikī va xuşku sardi arktikī. Anbūhi havoi atlantikī ba namudi siklon, arktikī hamcun antisiklon amal mekunad. Dar faslhoi zimiston va bahor siklonhoi ƣarbī borişi beist meorand, I. dar zeri ta'siri çarajoni hamin du markazi anbūhi havo taşakkul mejobad. Anbūhi havoi arktikī dar atrofi kūli Bajkal, ki onro antisikloni Sibir niz megūjand, şakl megirad. Baroi on fişori baland va havoi xuşki xunuk xos ast. Zimiston on az qismi şimoliji Osijoi Mijona meguzarad, bo ta'siri on fişori atmosferī az şimol ba çanub toraft past meşavad. Ja'ne dar holati dar sari rohi çarajoni antisikloni Sibir vuçud nadoştani saddi tabiī on be mamoniat to domanakūhhoi Osijoi Mijona, az çumla Toçikiston harakat mekunad. Hangomi az boloi silsilakūhho (tavassuti aƣbaho) harakat karda guzaştani on va jo bo rohi davrodavr ba vodiho doxil şudan, xosijati xudro kame taƣjir medihad va ta'siraş nisbatan sust meşavad.
Dar barobari faro rasidani mavsimi garmī qit'ai Avruosijo xele garm meşavad. Dar in vaqt antisikloni Sibir xud ba xud nest meşavad. Çarajoni anbūhi havoi garmu narme, ki az uqjonusi Atlantik meojad, ba tamomi Avrupo pahn gardida, ba samti şarq harakat mekunad. Hamvoriji Osijoi Mijona tamomi sol dar zeri ta'siri bodhoi şimolī, dar zimiston bodhoi şarqī va dar tobiston şamoli ƣarbī bartarī pajdo mekunad. Dar mintaqai kūhho, az çumla kūhhoi Toçikiston on bodhoi dar hamvorī harakatkunanda ba kūhho barxūrda, tavassuti ta'siri onho xosijati avvalai xudro taƣjir medihand. Muajjan şudaast, ki dar hududi Toçikiston barobari ba har 100 m bolo baromadan harorati havo ba hisobi mijona az 0,5 to 0,8 °S pasttar meşavad, ki in beştar ba vodiji Raşt va Darvozu Pomir xos ast. Baroi taƣjir joftani xosijati havoi ba Toçikiston az berun voridşuda samti idoma joftani silsilakūhho maqomi xos dorad. Zero onho az samti ƣarb ba şarq va ba şimolu şarq idoma jofta, halqai sarbastaro taşkil namudaand. In baroi dar fasli zimiston bo rohi davrodavr ba vodiho az ƣarb ba çanub vorid şudani havoi sardi kontinentaliji arktikī va dar on çojho muddate band şuda mondani on musoidat mekunad. Cunin sarbastagiji kūhho dar şarq va şimolu şarq sababi dar fasli tobiston dar vodiho band şuda istodani havoi garmu xuşki kontinentaliji tropikī meşavad. Mavqei kūhho niz ba taqsimoti borişot ta'sir merasonad. Borişot dar hamon qismi kūhho beştar meşavad, ki onho nisbat ba çarajoni havoi namiji az samti ƣarb voridşuda rū ba rū boşand. Dar qismi digari kūhho borişot kamtar meşavad.
Agar taşakkuli iqlimi kontinentalī dar hududi Toçikiston komilan ba omilhoi umumiji hosilkunandai iqlim vobasta boşad, pas tafovuti qalamravi iqlimi mavze'hoi alohidai onro şaroiti mahallī muajjan menamojad. Peş az hama ba tafovuti balandiji mahal, ekspozitsijai nişebiji silsilakūhho, samti kaşoljobiji onho, vodiho, mavqei mavze'hoi alohida dar şimol va jo çanubi Toçikiston, xususijati sathi onho vobasta ast. Vobasta ba ta'siri in omilho dar hududi Toçikiston iqlimi vodiho, hamvorihoi domanakūhī, kūhhoi baland va Pomiri Şarqī ba tavri muajjan az jakdigar farq mekunand. Dar zeri vodihoi şimoliji Toçikiston harorati mijonai janvar –2 °S, ijul qarib 30 °S meşavad. Harorati solona ba hisobi mijona vobasta ba balandiji mahal az +17 °S (dar bijobonhoi garmi çanubī) to –6 (dar balandkūhhoi Pomir) ast. Harorati balandtarin dar mohi ijul va pasttarin dar mohi janvar muşohida meşavad. Pasttarin daraçai harorati zimistonai Pomiri Şarqī (Bulunkūl) sardtarin – 63 ast. Dar çanubi kişvar haddi aksari harorat ba +47 merasad. Az çumla, soli 1997 dar nohijai Şahritus havoi garm bo harorati +40 53 rūz va dar nohijai Panç 26 rūz idoma doşt. Dar imtidodi solhoi 2000–2010 dar vodihoi Toçikiston harorati 40 va balandtar az on muşohida şudaast. Taqr. 75% borişoti solona ba fasli zimiston rost meojad. Dar mintaqahoi kūhiston, ki baroi doxilşaviji anbūhi havoi namnok kuşodaand, borişot beştar ba nazar merasad. Kūhhoi baland ta'siri sojaafkaniji orografī doşta, ba'ze nohijahoi kamborişro az anbūhi nam nigoh medorand. Ba onho vodihoi amiqu tangi kūhī va falot (plato)-i balandkūh dar şarqi Pomir, ki dar on ço borişoti kamtar az 100 mm xos ast, doxil meşavand. Dar bijobonhoi pasti garm, dar çanubi Toçikiston niz boriş kam ast. Haddi aksari borişot dar kūhhoi Toçikistoni Markazī beştar az 1 000–1 800 mm ast.
Dar holati harorati mijonai şabonarūzī az +15 °S past nafaromadan dar vodihoi şimolī maçmūi harorati nuri Oftob 4 000 °S, dar vodihoi çanubī 5 000-ro taşkil medihad. In iqlim ba mintaqai subtropikiji xuşk xos ast, ki dar şaroiti objoriji masnūī boisi naş'unamoi xubi ziroat va daraxtoni mevadihandai garmidūst megardad. Ba iqlimi vodiho va hamvorihoi domanakūhī bodhoi gunoguni burunmarzī va mahallī niz ta'sir merasonand. Jake az in bodho (Fjon: olmonī Föhn) bodi saxt, xuşk va garmi mahallī buda, beştar dar zimiston az kūhho ba vodiho mefarojad. Dar rohi xud barfhoro ob mekunad va sababi naş'unamoi barvaqtiji nabotot megardad. Garmsel dar fasli garmo ba vodiho az bijobonhoi hamsoja mevazad, ki on boisi giriftori ofat şudani zaminhoi kişovarzī megardad. Dar qismi çanubiji Toçikiston bodi «afƣon» az çanubu ƣarb va dar qismi şimolī bodi «Farƣona» az ƣarb mevazad. Dar in mavze'ho harorati mijonai janvar va fevral az –14 to –26 °S merasad. Harorati mijonai ijul ba +4, +15 °S barobar ast (nişondodi umumī). Dar fazoi kuşodi sathi balandkūhho harorati solona (tafovuti harorati mijonai mohi az hama xunuk) 20–22 °S-ro taşkil medihad. Barobari rost şudani sathi mahal az şarq ba ƣarb va az şimol ba çanub amplitudai harorat kam meşavad. Az hamin sabab dar qismi ƣarbiji kūhhoi Toçikiston, ki bo qismi şarqiji onho dar jak arz va balandī voqeand, tobiston salqin, zimiston nisbatan garmtar meboşad. Dar balandkūhho vobasta ba ekspozitsija, xususijati moilī jo rostfaroiji nişebī, tangiji daraho va vodihoi bajnikūhī mahalhoi mahdudi doroi iqlimi xos hosil meşavad, ki az fazoi umumiji iqlimi kūhhoi baland farq mekunad. Mas., az sababi dar nişebiji şimolī va çanubī tahti kunçi gunogun aftidani nuri Oftob iqlimi onho az jakdigar farq mekunad. Dar natiça, iqlimi nişebiji şimoliji balandkūhho serun va qismi çanubiaş nisbatan garm meşavad. Vodihoi balandkūh az ƣarb ba samti şarq kaşol joftaand, kūhhoi baland baroi ba vodī doxil şudani şamolhoi xunuki şimolī mone' meşavand. Iqlimi onho bo vuçudi dar balandiji zijod az s. b. çojgir budan, xele garm meşavad. Mas., vodiji Zarafşon dar balandiji beştar az 1 522 m az s. b. (şahraki Ajnī), vodiji Ƣund dar balandiji 2 080 m az s. b. (ş. Xoruƣ) voqe' gardidaand. Dar in mavze'ho mutobiqan harorati havo tobiston 24,4 °S va 22,0 °S, zimiston –2,3 °S va –7,1 °S-ro taşkil medihad. Digar çihati xossi iqlimi Toçikiston dar davomi sol dar hududi on nobarobar taqsim şudani boriş meboşad, ki asosan ba bodho va reljefi mahal vobasta ast. Ba hududi Toçikiston boriş qarib komilan az uqjonusi Atlantik tavassuti bodhoi ƣarbī vorid meşavad. Az in çihat dar nişebihoi ƣarbī va çanubu ƣarbiji silsilakūhho borişot beştar meşavad. Nişebihoi şimolī va vodiju darjohoe, ki onhoro kūhho va şoxahoi onho ihota kardaand, kamboriş meşavand. Muajjan şudaast, ki borişi az hama zijod dar mintaqai kambare, ki çanubtari 39° arzi şimolī meguzarad (az qismi ƣarbī va çanubu ƣarbiji silsilakūhi Hisor to silsilakūhhoi baland) muşohida meşavad. Hududi onro iqlimşinoson az bajni xathoi ufuqiji 1 000–1 200 m va 3 000–4 000 m muajjan kardaand. Az in mintaqa ba bolo va poin miqdori boriş toraft kam meşavad. Az silsilakūhi Hisor ba tarafi şarq namiji havo nisbatan kam meşavad. Bino bar in, dar qismi çanubiji kūhi Darvoz, nişebihoi ƣarbiji kūhhoi Hazrati Şoh va Vaxş to 1 500 mm boriş ba amal meojad. Dar Pomiri Ƣarbī az 800 to 1 500 va ba'zan 1 800 mm, dar kūhhoi havzai darjoi Fon (şoxobi capi darjoi Zarafşon) to 1 300 mm boriş meşavad. Dar mintaqahoi kūhī va xamiho, ki atrofaşonro kūhhoi baland ihota kardaand, boriş nihojat kam ba nazar merasad. Masalan, dar vodiji Raşt nisbat ba mahalli Xoçaobigarm boriş 3 marotiba kamtar muşohida meşavad. Dar qismi faroxi vodiji Zarafşon miqdori boriş az 300 to 250 mm va dar mavze'hoi tangi on to 150–200 mm kam megardad. Dar qismi hamvori vodihoi Toçikistoni Şimolī miqdori solonai boriş az 200 mm zijod nameşavad. Dar domanakūhho barobari baland şudani sathi mahal, miqdori borişot az 400 to 600 mm zijod meşavad. Borişi az hama kam dar atrofi Konibodom va Isfara (100–155 mm) muşohida meşavad. Dar hududi Toçikiston nisbat ba vodiju domanakūhho va kūhhoi baland iqlimi Pomiri Şarqī bo sardiji beştari xud farq mekunad. Pomiri Şarqī jake az sufakūhhoi balandtarini çahon ba hisob meravad. Qismi şarqiji reljefi onro vodihoi faroxi xamida taşkil medihand, ki dar balandiji 3 700–4 500 m voqe' gardidaand. Dar atrofi onho kūh va silsilakūhho qomat rost kardaand. Sathi aksari onho gumbazşakl ast, ba'zeaşon qullahoi tez va nişebihoi rostfuromadai monand dorand. Iqlimi in ço nihojat sard buda, baroi on zimistoni daroz, manfī budani harorati pasti mijonai sol, vazidani şamolhoi saxt xos ast. Vobasta ba balandī az s. b. (3 000–3 200 m) davrai xunukī beştar az 8 moh idoma mejobad. Pasttarin daraçai harorat dar Bulunkūl (–63 °S) va Çavşangoz (–49 °S) muşohida meşavad. Muajjan kardani cigunagiji boriş dar balandkūhhoi Badaxşon vobasta ba omilhoi kūhşinosist. Namnokī beştar dar qismi ƣarbī ba nazar merasad. Hisobi mijonai borişi solona dar hududi pirjaxi Fedcenko 1 192 mm va mintaqai ƣarbī 600 mm (dar ba'ze mintaqaho – Qarokūl, Murƣob, Bulunkūl 72–86 mm) ast. Vazişi bod dar beştari hududi Badaxşon bo sababi baland budani kūhho hamcun monea xele sust, dar kūtalhovu daraho teztar ast. Davomnokiji nurafkaniji Oftob 3 000 soatro taşkil medihad. Sarfi nazar az in, dar vodiho maçmūi harorati fa'ol az 1 500 °S zijod nect. Harorati mijonai sol dar balandihoi 4 000–4 700 m ba –8 °S barobar ast. Harorati mijonai janvar dar Murƣob ba –17,3°barobar buda, ba'zan to –47° xunuk meşavad. Dar Qaroqūl xunukī ba –50 °S merasad. Harorati davrai garmo ham candon baland nest. Mohi ijul dar balandihoi 3 600–4 000 m, harorati mijona 8–12 °S-ro taşkil medihad. Ba'zan 20–25 °S garm meşavad. Az hamin sabab dar Pomiri Şarqī miqdori boriş kam buda, hamagī 120–150 mm-ro taşkil medihad. Ba'zan hatto dar jak sol 70–120 mm boriş meşavad. Az in nigoh Pomiri Şarqiro bijoboni balandkūh menomand.
Mintaqahoi iqlimī
[viroiş | edit source]Vobasta ba omilhoi iqlimhosilkunanda va tafovuti amudiji iqlim olimon dar hududi Toçikiston 5 mintaqai iqlimiro çudo namudaand. Dar çudo namudani onho tafovuti amudī, unsurhoi asosiji iqlim, harakat va borişro ba e'tibor giriftaand, ammo dar nomguzorī va miqdori mintaqaho fikri jagona vuçud nadorad[3]. Masalan, A. A. Molcanov hududi Toçikistonro ba cor mintaqa taqsim (soli 1925, Toşkand) va ba tavri zerin nomguzorī kardaast:
- Iqlimi bijobonī;
- Iqlimi daştiji domanakūhho;
- Iqlimi kūhī;
- Iqlimi balandkūhi bijobonī.
Dar in taqsimot tafovuti harorat va borişot na faqat nişondihandai mintaqai iqlimī, balki hamcun muajjankunandai xususijati mintaqahoi tabiī istifoda şudaast. Şojad baroi hamin boşad, ki dar in taqsimot mintaqai iqlimi mijonakūhho vuçud nadorad. On bo mintaqai iqlimi kūhī jakço va pajvasta tavsif şudaast.
Ehtimol hamin norasoiro I. S. Şukin dar nazar doşta, kūhhoro ba se mintaqai iqlimī (soli 1936) çudo namudaast:
- Mintaqai kūhhoi past;
- Mintaqai mijonakūh;
- Mintaqai balandkūh va jo alpī.
Minba'd olimon dar zaminai omūzişi I. va tafovuti qalamravi on dar Toçikiston panç mintaqai iqlimiro çudo kardaand. Az çumla, R. M. Selivanov dar asosi ba tavri amudī taƣjir joftani garmī va boriş hududi Toçikistonro ba mintaqahoi zerin çudo namudaast:
- Mintaqai garm va xele garm;
- Mintaqai garmi mu'tadil;
- Mintaqai serun;
- Mintaqai sard;
- Mintaqai sardi doimī.
Solhoi ba'dī R. M. Selivanov in namudhoi iqlimro muvofiqi xususijati faslhoi sol – zimiston va tobiston nomguzorī kard, ki on bo tartibi zerin barrasī gardidaast:
- Iqlimi tobistonaş nihojat garmi zimistonaş narm;
- Iqlimi tobistonaş garmi zimistonaş serun;
- Iqlimi mu'tadil;
- Iqlimi xunuk;
- Iqlimi bijoboni balandkūh.
In nomguzorī ahammijati amalī doşta, imkon medihad, xoçagiro bo dar nazar doştani xususijathoi har jak mintaqai iqlimī bo ta'mini mutaxassisoni kasbī inkişof dihem. Tamojuli amalī dodan dar taqsimoti çuƣrofijodoni şūravī A. M. Vladimirova beştar zohir megardad. Ū ba gurūhbandiji namudhoi I., ki doktoroni ilmi çuƣrofijoī M. I. Budiko va A. A. Grigorova kor kardaand, takja karda, namudhoi iqlimi Toçikistonro tavre muajjan kardaast, ki xususijathoi mintaqaho dar nomi onho komilan in'ikos va cunin ifoda şudaand:
- Mintaqai iqlimiji xuşk (tobistoni garm, zimistoni narm va narmi mu'tadil);
- Mintaqai iqlimiji namiji nokifoja (tobistoni nihojat garm, zimistoni narm va narmi mu'tadil);
- Mintaqai iqlimiji namiji nokifoja (tobistoni garm va zimistoni narmi mu'tadil);
- Mintaqai iqlimiji namiji nokifoja (tobistoni mu'tadil, zimistoni mū'tadili narm va sardi serbarf);
- Mintaqai iqlimiji xuşk (tobistoni mu'tadili garm va zimistoni mu'tadili qahratun).
Ezoh
[viroiş | edit source]- ↑ Geografija(pajvandi dastnoras — ta'rix). 11 fevrali 2017 sançida şud. Bargirifta az sarcaşmai avval 12 fevrali 2017.
- ↑ Klimat Tadƶikistana(pajvandi dastnoras — ta'rix). 11 fevrali 2017 sançida şud. Bargirifta az sarcaşmai avval 11 fevrali 2017.
- ↑ 3.0 3.1 3.2 Iqlim / X. Muhabbatov, M. Rahimov // Çumhuriji Toçikiston. Donişnoma. — D.: SIEMT, 2021. — S. 73—78. — 696 s. — ISBN 978-99985-0-005-1.
Adabijot
[viroiş | edit source]- Selivanov R. I. Priroda i prirodnыe resursы Tadƶikistana. Stalinabad, 1958;
- Maxmudov X. Klimat Duşanbe. D.,1965;
- Sovremennыe problemы klimatologii. L.,1966;
- Atlas Tadƶikskoj SSR. D.-M., 1968;
- Spravocnik po klimatu SSSR. Vыp. 31., Leningrad, 1970;
- Tadƶikistan: priroda i prirodnыe resursы. D.,1982;
- Sovremennыe globalьnыe izmenenija prirodnoj sredы. M., 2006;
- Axboroti sejumi milliji Çumhuriji Toçikiston oid ba Konvensijai me'joriji SMM doir ba taƣjirjobiji iqlim. D., 2014.