Abenida J. P. Rizal

Tungkol sa isang lansangan sa Makati ang artikulo na ito. Para sa lansangan sa Maynila at Caloocan, tingnan ang Abenida Rizal.

Abenida J. P. Rizal J. P. Rizal Avenue
Abenida J. P. Rizal pakanluran malapit sa Barangay Tejeros, Makati.
Impormasyon sa ruta
Haba	6.4 km (4.0 mi)
Pangunahing daanan
Dulo sa kanluran	Kalye Zobel Roxas at Kalye Tejeron sa Barangay Tejeros
	Abenida Chino Roces Abenida South Abenida Makati Kalye Estrella N1 / AH26 (Abenida Epifanio de los Santos)
Dulo sa silangan	N11 (Daang Palibot Blg. 5) sa Barangay West Rembo
Lokasyon
Mga pangunahing lungsod	Makati
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ang Abenida Jose P. Rizal (Ingles: Jose P. Rizal Avenue), o mas-kilala bilang Abenida J. P. Rizal (Ingles: J. P. Rizal Avenue), ay isang pangunahing lansangang panlungsod sa hilagang Makati, Kalakhang Maynila, Pilipinas. Isa itong daang kolektor na dumadaan sa katimugang pampang ng Ilog Pasig mula Daang C-5 sa Baranggay West Rembo sa silangan hanggang Kalye Zobel Roxas sa Tejeros Village. Ang mga kilalang lansangan na bumabagtas rito ay Abenida Epifanio de los Santos (o EDSA, sa ilalim ng Tulay ng Guadalupe), Kalye Estrella, Abenida Makati (sa kabayanan ng Makati), Abenida South, at Abenida Chino Roces. Ang bahagi ng abenida mula Abenida Makati hanggang Abenida Chino Roces ay nagdadala ng walang salubong na trapiko pakanluran. Ang haba ng abenida ay 6.4 kilometro (o 4.0 milya).

Pakanlurang tanaw ng Abenida J. P. Rizal mula EDSA

Nagdudugtong ang abenida sa East Rembo, Comembo, at bayan ng Pateros sa silangan bilang J. P. Rizal Avenue Extension (dating Guadalupe–Pateros Road). Tutuloy ito sa Maynila sa kanluran bilang Kalye Tejeron (Tejeron Street). Ipinangalan ang abenida kay pambansang bayani Dr. José P. Rizal.

Tingnan din

• Talaan ng mga lansangan sa Kalakhang Maynila