Seediq (賽德克族) Seediq bale kesun ga seediq tnpusuTaywang duri, ga meniq tgdaya nklaan hido Nantowseyn ma tgdaya tgtruma Hwareynseyn. Mnoda bsiyaq so mlgeluw pheyuw ngayan nii qulung wada phyegan ngayan knkawas 2008 idas 4 ali 23 di, mgseediq tnpusu Taywang.[1][2] Ye Seediq ma Truku kesun ga mntena ka pusu daha ma knkela daha kndesan, ye nanaq ga meniq ini pntena ka nniqan de, wada mtswai di. Dehuk knkawas 2016 idas 4 de, kana ka hei Seediq ga yabi niqan hari 9509 spegan. Nniqan alang Seediq ma Knkela kndesan ga, ye sparu so qmita “gaya”. Ye alang ma tnsapah dSeediq ga tama ka pusu de, bubu ge mdayo kiya. Nasi so mqriqu na qqpahun ma oda quri so mosa lmiqu ge ida dseno ka moda qmeepah dnii, maanu ka tminun pala ma qaliq ge mqedil ka moda qpahun kiya.
Seejiq (賽德克族) Seejiq balay ksun ga seejiq tnpusuTaywang uri, gaga mniq tgdaya nklaan hidaw Nantowseyn ni tgdaya tgtruma Hwareynseyn. Mnuda bsiyaq bi mlglug phiyug hangan ni qulung wada phyugan hangan hngkawas 2008 idas 4 jiyax 23 da, maa seejiq tnpusu Taywang[1][2] Seejiq ni Truku ksun ga ida mntna ka pusu dha ni knkla dha kndsan, yaana nanaq gaga mniq ini pntna ka nniqan do, wada mswayay da.[3] Dhuq hngkawas 2016 idas 4 do,kana ka hiyi Seejiq ga yabi niqan hari 9,505 spgan. Nniqan alang Seejiq ni knkla kndsan ga, ida sparu bi qmita “gaya”. Alang ni tnsapah dSeejiq ga ida tama ka pusu bi, bubu o mdayaw kiya. Nasi saw mqriqu na qqpahun ni euda quri saw tmsamac o ida dsnaw ka muda qmpah dnii, manu ka tminun pala ni qaliq o sqrijil ka muda qpahun kiya.
