Хатын-кыз күкрәге

Хатын-кыз күкрәге
Артериаль чыганак	эчке күкрәк артериясе[d]
Веноз дренаж	эчке күкрәк венасы[d]
Үрнәк элементы	ир кеше күкрәге[d] һәм хатын-кыз күкрәге
NCI Thesaurus идентификаторы	C12971
Хатын-кыз күкрәге Викиҗыентыкта

Хатын-кыз күкрәге яки түше (эвфемизмнар) яки имие — хатын-кыз гәүдәсенең алгы ягының өстәге өлешендә урнашкан, функциональ яктан бәбиләрне күкрәк сөте белән имезү өчен күкрәк сөтен җитештерүче сөт бизләрен үзенә алучы пар кабарынкылыклар..

Икенчел җенес билгеләре рәтенә керүче хатын-кыз күкрәге, гадәттә ир кеше имчәкләренә караганда сизгеррәк эроген зона булып тора.

Хатын-кыз түшенең ачык күренеше һәр ике җенес вәкилләрендә дә җенси теләк хисләренә көчәйтә ала.

Функциональ төзелеше

Күкрәк: сөт бизләре төзелеше
1. Күкрәк дивары
2. Күкрәк мускуллары
3. Сөтчел өлешләре
4. Имчәк
5. Ареола
6. Сөт каналы
7. Май тукымалары
8. Кеше тересе

Ана зат имезүчеләр күкрәге — комплекс орган.

Үсеше

Хатын-кыз түше 8-9 яшеннән үсә башлый, биологик балигълыкка җитүләренә төгәлләнә (~13-14 яшь, кызлар тәннәрендә балага йөкле булу һәм баланы табуга мөмкинлеге формалашкач).

Бала тууга, аны имезү өчен бизләр җитештерә башлагаң сөт күләме аркасында тагын да зурая. Җитештерелгән сөт күкрәк тота алучы күләменнән артканда, хатын-кызларының имчәкләрендәге сөт каналлары буенча тамчы-тамчы чыга башлый.

Мәдәни мәгънәсе

Палеолит чоры сыны (датировкасы: 22 800 ел элек), бүгенге көн Словакия җирләре.

Хатын-кыз күкрәге уңдырышлылык символы буларак кабул ителә. Бик күп мәдәниятләрдә бала табу һәм уңдырышлылык алиһәләре күп яки зур түшле хатын-кыз итеп сурәтләнгән. Танылган рәссамнарның йөзләрчә картиналарында шәрә түшле хатын-кыз сурәтләнгән.

Ксеренте халкы кызы, Көньяк Бразилия

Күп халыкларда кеше алдында түшне ачык йөртү оятлы санала. Шулай ук күпсанлы булган кайсы бер башка мәдәниятләрдә мондый тыю чикле яки бөтенләй юк, хәттә һич тә булмаган иде. Бу мәсьәләнең кабул ителерлек яки кабул ителмәслек дип бәяләнүе еш урын һәм контекстка бәйле. Кайбер көнбатыш мәдәниятләрдә хатын-кыз күкрәгенең пляжда ачык булуы кабул ителә, шәһәр уртасында исә әдәпсезлек дип санала. Күпчелек очракларда бу имчәкләрнең күренү-күренмәве белән чикләнә.

Феминистлар фикеренчә, иҗтимагый урыннарда хатын-кызларга үз түшләрен күрсәтүләрен кабул итү яки капларга мәҗбүр итү турыдан-туры җенси тигезсезлек мәсьәләсенә бәйле.

Матуррак һәм сексуальлерәк күренергә теләгән хатын-кызлар үз түшләрен төрлечә, хәттә хирургия ярдәмендә (имплантлар урнаштыру аша), зурайтырга торыша ала. Соңгы очракта сөтчел бизләре яман шешенең барлыкка килү рискының зураюы турында төгәл мәгълүмат әлегә юк.

Гомумән хатын-кыз күкрәге күренеше һәм аеруча зур күкрәкләр ике җенесле кешеләрдә дә җенси теләк һәм башка аң асты ассоциацияләр тудыруы аркасында, игътибар җәлеп итү яки төрле реклама максатлары, иҗтимагый статусны күрсәтүче символлары буларак та кулланыла ала.