Yarefufuoɔ

Honam ani yare a ɛyɛ Yarefufuo a dwensɔtwaa mu kokoram de ba

Yarefufuoɔ (brɔfo kasa mu, Jaundice) yɛ aduruyɛ mu tebea a ɛma honam ani yɛ akokɔsrade (yellowish) ne aniwa fitaa a bilirubin dodow a ɛdɔɔso wɔ mogya mu na ɛde ba no. Wɔ Ghana no, jaundice yɛ akwahosan ho haw titiriw, na ɛka mmofra a wɔawo wɔn foforo ne ankorankoro a wɔwɔ mberɛboɔ mu yareɛ titiriw.

Mpɛn pii no, Yarefufuo a ɛba mpanyimfo mu no yɛ sɛnkyerɛnne a ɛkyerɛ sɛ wonya nipadua mu nneɛma a ɛnyɛ ne kwan so, mmerɛbo a ɛnyɛ adwuma yiye, anaasɛ mogya mu ntini a ɛsiw wɔ wɔn mu. Nsɛnkyerɛnne a ɛtaa bata Yarefufuo ho ne ɛyaw, nsu a ɛyɛ fitaa, ne dwunso a ɛyɛ tumm.

Sɛnkyerɛnne

Yarefufuoɔ ani kɔla

Nsɛnkyerɛnne a ɛtaa kyerɛ sɛ ɔmpanyin bi anya Yarefufuo ne aniwa no fa a ɛyɛ fitaa (sclera) ne honam ani kɔla a ɛsakra kɔla, ne scleral icterus honam a ɛkyerɛ sɛ anyɛ yiye koraa no serum bilirubin yɛ 3 mg/dl no. Nsɛnkyerɛnne a ɛntaa nsi koraa a ɛkyerɛ sɛ obi anya jaundice titiriw wɔ mmofraase ne se a ɛyɛ kokɔsradeɛ kɔla anaa ahabammono.

Ma ɛde ba

Wɔ Ghana no, nneɛma titiriw a ɛde Yarefufuo ba no bi ne:

1. Nkokoaa a Wɔawo Wɔn Foforo Yarefufuo: Ɛtaa ba wɔ mmofra a wɔawo wɔn foforo mu. Saa mmofra Yarefufuo yi betumi afi akokoaa no mmerɛbo a ennyinii, ɔyare mmoawa, anaa mogya kuw a ɛne ɔwofo no de nhyia enti a.
2. Berɛboɔ mu yareɛ: Berɛboɔ mu yareɛ a mmoawa de ba, titiriw Berɛboɔ mu yare B ne C, abu so wɔ Ghana na ebetumi ama obi anya mmerɛbo mu yare a enni sabea ne Yarefufuo.
3. Atiridii: Sɛ́ ɔman a Atiridii abu so no, atiridii a emu yɛ den betumi ama mogya mu nkwammoaa kɔkɔɔ asɛe, na ɛde Yarefufuo aba.
4. Mmerɛbo mu Yare a Nsanom deba: Nsa a wɔnom bere tenten betumi ama obi anya mmerɛbo mu yare ne Yarefufuoɔ.

Nsɔano

Yarefufuoɔ ayaresa wɔ Ghana gyina nea ɛde ba no so. Sɛ ntini bi mu na asiw a, mpɛn pii no ɛho hia sɛ wɔyɛ oprehyɛn; anyɛ saa a, sɛnea wɔhwɛ so no yɛ aduruyɛ.

Wɔtaa de phototherapy sa mmofra a wɔawo wɔn foforo Yarefufuoɔ, na wɔ tebea horow a emu yɛ den mu no, ebia ɛho behia sɛ wɔsesaa mogya a mmofra no wɔ no. Wɔde nnuru a ekum ɔyare mmoawa ne nhyehyɛe ahorow a wɔde bɔ obi ho ban di berɛboɔ mu yareɛ ho dwuma na ama Berɛboɔ mu yareɛ B a ɛba no so atew. Wɔde nnuru a ekum atiridii sa Yarefufuoɔ a atiridii de ba no. Wɔ awosu mu nyarewa te sɛ G6PD a enni nipadua mu ho no, ɛsɛ sɛ wɔbɛkwati nneɛma a ɛma mogya tu na wɔhwɛ wo bilirubin dodow so daa.

Mberɛbo mu yare a ɛde Yarefufuoɔ ba no hwehwɛ sɛ wɔyɛ nsakrae wɔ asetra mu te sɛ nsa a wɔbɛtew so, aduan pa a wɔbɛkɔ so adi, ne nnuru a wɔde di dwuma de di sɛnkyerɛnne ne nsɛnnennen ho dwuma.

Ɔmanfo Akwahosan Ho Nhyehyɛe ahorow

Ghana aban ne ahyehyɛde ahorow a ɛnyɛ aban de de wɔn ho ahyɛ ɔmanfo akwahosan ho nhyehyɛe ahorow mu denneennen de atew Yarefufuoɔ a ɛba no so. Wɔ Ghana no, ɔmanfo akwahosan ho nhyehyɛe ahorow a ɛboa ma wɔsiw Yarefufuoɔ ano no bi ne berɛboɔ mu yare B paneɛwɔ nhyehyɛe ahorow, akwan a wɔfa so siw atiridii ano te sɛ ntotom buo ne aduru a wɔde petepete so, ne ɔhwɛ a ɛkɔ anim ansa na wɔawo abofra ne awo akyi nhwehwɛmu.

Sua pii

• Yafunukeka
• Asikyireyadeɛ
• Ahrawa mu yareɛ
• Berɛboɔ mu yareɛ
• Nsonomuyadeɛ
• Mmogyammorosoɔ
• Sawa mu yareɛ