Gerhard Hanappi
![]() Hanappi in 1953 | |||
Shaxsiy maʼlumot | |||
---|---|---|---|
Toʻliq ismi | Gerhard Hanappi | ||
Tavallud sanasi | 16-fevral 1929-yil | ||
Tavallud joyi | Vienna, Austria | ||
Vafot sanasi |
23-avgust 1980-yil (51 yoshda) | ||
Vafot joyi | Vena, Avstriya | ||
Boʻyi | 169 sm[1] | ||
Ampluasi | Markaziy-himoyachi | ||
Mukofotlari | 1954-yil FIFA Jahon Chempionati 3-o'rin | ||
Yoshligida aʼzo boʻlgan klublar | |||
1942–1947 | SC Wacker Wien | ||
Professional faoliyati* | |||
Yillar | Jamoa | Isht. | (Gol.) |
1947–1950 | SC Wacker Wien | 72 | (16) |
1950–1965 | Rapid Wien | 333 | (114) |
Milliy terma jamoa | |||
1948–1962 | Avstriya | 93 | (12) |
Xalqaro medallar | |||
*Professional klublardagi gollari (ichki chempionat) |
![](https://upload.wikimedia.org/wikipedia/commons/thumb/9/97/%C3%96sterrike_1958.jpg/280px-%C3%96sterrike_1958.jpg)
Gerhard Hanappi (1929-yil 16-fevral – 1980-yil 23-avgust) — avstriyalik futbol yarim himoyachisi, koʻpincha avstriyalik eng buyuk futbolchilardan biri sifatida eʼtirof etiladi. U, shuningdek mashxur siyosiy iqtisodchi Hardy Hanappining otasi hisoblanadi.
Klub karyerasi
Ko‘p qirrali yarim himoyachi Hanappi o‘z faoliyatini SC Wacker Wienda boshlagan va u yerda 1947-yilda Bundesligada debyut qilgan. U o‘z davrida Avstriyaning eng katta futbol iqtidori deb hisoblangan, 1950-yildan 1965-yilgacha yirik raqibi Rapid Vena jamoasida o‘ynashga o‘tdi va 15 yil davomida uning sharafini himoya qildi. Uning Rapiddagi faoliyati juda muvaffaqiyatli bo‘lib, 7 marta Avstriya chempionligini qo‘lga kiritdi. U shuningdek, yetti yil davomida jamoa sardori bo‘lgan va 1999-yilda Rapid klubining Asr jamoasi ro‘yxatiga kiritilgan.
Xalqaro karyera
U Avstriya terma jamoasi safida atigi 19 yoshida debyut qilgan va ilk o‘yinini 1948-yilning noyabrida Shvetsiyaga qarshi o‘yinda o‘tkazgan. 1954-yilda Shveytsariyada bo‘lib o‘tgan jahon chempionatida qatnashgan va u yerda 3-o‘rinni egallaga. 1958-yilgi jahon chempionatida qatnashgan. 1955-yildan milliy terma jamoa sardori bo‘lgan.
Uning so‘nggi terma jamoa safidagi o‘yini 1962-yil sentyabr oyida Chexoslovakiyaga qarshi o‘yin bo‘lgan. U terma jamoada 93ta o‘yin o‘tkazib, 12 ta gol urgan[2]. U 1998-yil iyun oyida Anton Polster o‘zining 94-uchrashuvini o‘tkazgunga qadar milliy terma jamoada safidagi eng ko‘p o‘yin o‘tkazish rekordini o‘rnatdi.
o‘yin uslubi
o‘z avlodining eng zo‘r yarim himoyachilaridan biri[3] Hanappi nominal jihatdan qanot yarim himoyachisi edi, biroq uning ko‘p qirraliligi unga deyarli barcha pozitsiyalarida muvaffaqiyatli o‘ynashga imkon berdi. Hanappining texnik qobiliyati va ijodkorligi unga samarali pley-meyker sifatida o‘ynash imkonini berdi. U, shuningdek, juda aqlli va ajoyib to‘pni boshqarish va to‘psiz vaqtda uni kutish tuyg‘usiga ega edi, bu unga himoyachi vazifasini o‘tashda juda foydali qildi. Himoyachi bo‘lish bilan birga u yaxshi zarba bera olar edi, bu qobilyat unga aniq zarbasi bilan birga, bir marta liganing eng yaxshi to‘purar bo‘lishga imkon berdi.
Iste'fo va o‘lim
Futbolchilik faoliyatidan so‘ng Hanappi me'mor sifatida ishlagan. U Venadagi Weststadionni qurilishini rejalashtirgan, uning vafotidan so‘ng uning nomi Gerhard Hanappi stadioniga berilgan. U 1980-yilda 51 yoshida saraton kasalligidan vafot etdi.
Yutuqlar
Klub
- Avstriya Futbol Bundesligasi:
- 1951, 1952, 1954, 1956, 1957, 1960, 1964
- Avstriya kubogi:
- 1961 yil
- Zentropa kubogi:
- 1951 yil
Xalqaro
- FIFA Jahon chempionati uchinchi o‘rin:
- 1954-yil
Manbalar
- ↑ In die Jahre gekommen, Legendäre Momente im Hanappi-Stadion, orf.at, 2014-06-06
- ↑ Appearances for Austrian National Team – RSSSF
- ↑ Europe's best Player of the Century – IFFHS