Трансилвания

Трансилвания — Руминиянинг шимолидаги тарихий вилоят. Мил. 1-асрда Т. ҳудуди Гетлардакияликлар давлатининг асосий ўзагини ташкил қилган. 2 а. боши — 271 йилда римликларга, 11— 12-асрдан — венгер қиролларига (1541-йилдан турк султони васийлигида) тобе бўлган. 1698—99 йилдаги Карловиц конгрессида Габсбурглар Венгрия қироллиги таркибидаги Т. устидан ўз назоратлари ўрнатилганини тан олинишига эришдилар. Трианон сулҳ шартномаси (1920)га кўра, Т. Руминияга берилган. 1940-йилга Вена арбитражи қарорига кўра, Шимолий Т. Венгрияга қўшилган. 1947-йилги Париж сулҳ шартномаларига кўра, 1938-йил январга қадар мавжуд бўлган РуминияВенгрия чегараси тикланган.