Bootle

Bootle (talaffuzi /ˈbuːtəl/) — Angliyaning Mersisayd shtati, Sefton Metropolitan tumanidagi shahar. 2011-yilda bu hududda 51 394 kishi istiqomat qilgan^[1], kengroq parlament saylov okrugi aholisi esa 98,449 kishidan iborat edi.

Tarixiy jihatdan Lankashirening bir qismi ekanligi, Irlandiya dengiziga va janubdagi sanoat shahri Liverpoolga yaqinligi sababli ham 1800-yillarda tez oʻsib rivojlangan. Bootle avval boy savdogarlar uchun yotoqxona, keyin esa oʻziga xos savdo va sanoat markazi sifatida tanilgan. Temir yoʻlning kelishi va doklar hamda yuk tashish sanoatining kengayishidan keyin shahar yanada rivojlangan. Aholining keyingi koʻpayishiga Irlandiya migratsiyasi katta yordam bergan.

Shahar Ikkinchi Jahon urushida portga va boshqa sanoat obyektlariga qilingan havo hujumlari natijasida katta zarar koʻrgan. 1980-yillarga kelib, ishsizlik va aholi sonining qisqarishi keskin oʻsgan. Mahalliy iqtisodiyotni tiklashga yordam beradigan keng koʻlamli yangilash loyihalari boshlangan.

Tarixi

Toponimika

Etimologik jihatdan Bootle Anglosaksoncha Bold yoki Botle soʻzidan kelib chiqqan boʻlib, turar joy degan maʼnoni anglatadi^[2]. U 1086-yilda Domesday kitobida Boltelai sifatida qayd etilgan. 1212-yilga kelib nom Bottle sifatida qayd etilgan. Botull, Bothull va Bothell shakllari 14-asrda qayd etilgan. 18-asrda u Bootle cum Linacre nomi bilan ham tanilgan^[3].

Dam olish maskani

Bootle dastlab daryo boʻyining „qum tepaliklari“ yoki qumtepalari yaqinida qurilgan kichik qishloq boʻlgan. 19-asrning boshlarida u choʻmilish kurorti sifatida rivojlana boshladi va Liverpooldan tashrif buyuruvchi badavlat odamlarni oʻziga jalb qiladi^[4]. Liverpooldan keluvchi badavlat yoʻlovchilar yirik villalarini mahalliy „Bootle Village“ deb nomlanuvchi hududda bunyod etishgan.

Sport

Bootle hozirda Shimoliy Gʻarbiy grafliklar ligasida oʻynaydigan Bootle F.C. nomi bilan tanilgan bitta futbol jamoasiga ega. Ular aslide Bootle F.C. (1879) ning yangilangan versiyasidir.

Qulayliklar

Shaharda Shimoliy Park hududida joylashgan dam olish markazi mavjud boʻlib, u zamonaviy sport zali, suzish havzasi va turli xil yopiq sport zallarini oʻz ichiga oladi. Bootle New Strand savdo markazida koʻplab oddiy koʻcha doʻkonlari mavjud. Shuningdek, snooker klublari va tungi barlar ham faoliyat olib boradi. Bundan tashqari, bir qator restoranlar ham bunyod etilgan.

Manbalar

↑ „Merseyside: Settlements“. CityPopulation. Qaraldi: 2019-yil 18-fevral.
↑ „Bootle History: Bootle Past“. 2007-yil 13-oktyabrda asl nusxadan arxivlangan. Qaraldi: 2007-yil 10-noyabr.
↑ Farrer, W.. 'Townships: Bootle', A History of the County of Lancaster: Volume 3, 1907 — 31–35-bet. Qaraldi: 2016-yil 25-fevral.
↑ Tansley, Janet. „In pictures: Bootle through the years in photos from the Echo archive“. Liverpool Echo (2014-yil 4-iyul).

[2011census-1] „Merseyside: Settlements“. CityPopulation. Qaraldi: 2019-yil 18-fevral.

[2] „Bootle History: Bootle Past“. 2007-yil 13-oktyabrda asl nusxadan arxivlangan. Qaraldi: 2007-yil 10-noyabr.

[bho-3] Farrer, W.. 'Townships: Bootle', A History of the County of Lancaster: Volume 3, 1907 — 31–35-bet. Qaraldi: 2016-yil 25-fevral.

[photos-4] Tansley, Janet. „In pictures: Bootle through the years in photos from the Echo archive“. Liverpool Echo (2014-yil 4-iyul).

[1]

[2]

[3]

[4]