Alina Jidkova
 Jidkova 2009-yil
| |
| Davlati |  Rossiya
|
|---|---|
| Hozirgi yashash joyi | Boca Raton, Florida, AQSH. |
| Tugʻilgan vaqti va joyi | 1977-yil 18-yanvar Moskva, Sovet Ittifoqi |
| Boʻyi | 1.68 m |
Alina Vladimirovna Jidkova (1977-yil 18-yanvarda tugʻilgan) — rossiyalik sobiq professional tennischi. Faoliyati davomida Jidkova 2005-yilda Meksika Ochiq chempionatida WTA juftlik chempionligini qoʻlga kiritdi. Shuningdek, u ITF musobaqalarida toʻqqizta yakkalik va toʻqqizta juftlik chempionligini qoʻlga kiritgan. 2005-yil mart oyida Jidkova dunyodagi eng yaxshi yakkalik musobaqalar reytingida 51-oʻrinni egallagan boʻlsa, 2003-yil avgust oyida u juftliklar reytingida 50-oʻrinni egalladi.
Yoshligi
[tahrir | manbasini tahrirlash]Alina Sovet Ittifoqining oʻsha paytdagi poytaxti Moskvada muhandis va sobiq professional ogʻir atletikachi Vladimir va maktab oʻqituvchisi, 100 metrga yugurish boʻyicha sportchi Lina oilasida tugʻilgan[1]. Uning bir akasi bor, Dmitriy, sobiq bokschi, hozirda u qurilish biznesiga ega[2]. Alina oʻzining dastlabki yillarini Moskvaning „Spartak“ tennis klubida oʻtkazdi. Keyinchalik Alina Qoʻshma Shtatlarga koʻchib oʻtdi va Floridadagi Nik Bolletyrening tennis akademiyasida tahsil oldi[3].
Tennis faoliyati
[tahrir | manbasini tahrirlash]2004-yilda u Serena Wlliamsni toʻgʻridan-toʻgʻri magʻlub etib, Generali Ladies Linz musobaqasining chorak finaliga chiqdi. Williamsdan tashqari, Alina Yelena Yankovich, Mery Peers, Samantha Stosur, Alisia Molik, Chanda Rubin, Amanda Coetzer, Brenda Shults-MacCarti, Amy Frazier, Petra Martich va boshqa taniqli tennischilarga qarshi baxslarida gʻalaba qozongan. 2005-yilda Alina Tatyana Perebiynis bilan hamkorlikda Akapulkoda boʻlib oʻtgan WTA Tour turnirining juftlik bahslarida gʻolib chiqdi.
Nafaqa va murabbiylik faoliyati
[tahrir | manbasini tahrirlash]2010-yilgi mavsum oxirida Jidkova professional tennisni tark etdi. Uning soʻnggi rasmiy yakkalik oʻyini 2016-yilgi Olimpiya chempioni Monika Puigga qarshi oʻtkazildi. Keyinchalik u Galina Voskoboyeva, Kseniya Pervak va Kaia Kanepi uchun murabbiy boʻlib ishlagan. Murabbiy sifatida Alina Jidkova Kaia Kanepi bilan 2017-yilda AQSH Ochiq chempionati turnirining chorak finaliga chiqdi.
Shaxsiy hayoti
[tahrir | manbasini tahrirlash]Jidkova Florida shtatining Boca Raton shahrida istiqomat qiladi va tadbirkor Sascha Ghodsga turmushga chiqqan. Jidkova va Sascha Ghods 2010-yil 18-dekabrda Avstriyaning Vena shahrida boʻlib oʻtgan marosimda turmush qurishdi.
WTA karyera finallari
[tahrir | manbasini tahrirlash]Juftliklar: 4 (1 ta chempionlik, 3 ta ikkinchi oʻrin)
[tahrir | manbasini tahrirlash]| Natija | Sana | Turnir | Yuzasi | Hamkor | Raqiblar | Hisob |
|---|---|---|---|---|---|---|
| Magʻlubiyat | 2003-yil fevral | AQSh Ochiq chempionati | Qattiq |  Brianne Stuart
|
 Saori Obata Akiko Morigami
|
1-6, 1-6 |
| Gʻalaba | 2005-yil fevral | Meksika Ochiq chempionati | Loy |  Tatyana Perebiynis
|
 Rosa Mariya Andres Rodriges Konchita Martines Granados
|
7-5, 6-3 |
| Magʻlubiyat | 2006-yil oktyabr | Tournoi de Kvebek, Kanada | Qattiq |  Jill Craybas
|
Carli Gullikson Laura Granville
|
3-6, 4-6 |
| Magʻlubiyat | 2007-yil iyul | Cincinnati ochiq chempionati, AQSh | Qattiq |  Tatyana Pouchek
|
Betany Mattek  Sania Mirzo
|
6-7 , 5-7 |