Қобил ва ҳобил

Қобил ва ҳобил — яҳудий, христиан ва ислом дини ривоятларига кўра, Одаматонинг икки ўғли. Қ. ва Ҳ. Библияда Каин ва Авел деб тилга олинган. Ривоятга кўра, Одамато ҳар фарзанд кўрганида 1 ўғил ва 1 қиз туғилар эди. Илгари туғилган ўғил фарзандига 2-вақтда туғилган қизни олиб берар, шу тарзда инсонлар кўпа-яр эди. Қобил 1 қиз билан, Ҳобил ҳам 1 қиз билан эгиз туғилдилар. Одамато қоидага кўра, Қобил билан туғилган қизни Ҳобилга бермоқчи бўлди. Лекин Қобил эътироз билдирди. Шунда, Одамато, икковингиз Аллоҳ йўлида қурбонлик қилинглар, қайси бирингизнинг қурбонлигингиз қабул бўлса, қизни ўшанга никоҳлаб бераман деди. Қобил деҳқончилик касбидан топган арзимас нарсасини худо йўлига атайди. Ҳобил эса қўйлари орасидан энг яхши бир қўчқорни танлаб қурбонлик қилади. Шунда Ҳобилнинг қурбонлиги қабул қилингани маълум бўлади. Бундан ғазабга келган Қобил ўз инисини ўлдиради. Ҳобил ўлимга юз тутаётган бўлса-да, акасига қарши қўл кўтармаслигини, қотилни Аллоҳ шубҳасиз дўзах билан жазолашини айтади. Воқеа баён этилган "Моида" сурасидаги оятларда (5:27/30 —32/35) бир кишини ноҳақ ўлдириш бутун жамиятни ўлдириш, бир кишини ҳалокатдан сақлаб қолиш эса бутун жамиятни асраб қолишдир, деб таъкидланади.

Қобил Ҳобилни ўлдирганидан кейин унинг жасадини нима қилишни билмайди, аниқроғи жасадни қандай қилиб йўқотишни билмайди.Анча йўл юради, сўнгра бир қарғага кўзи тушади(қарғанинг укаси аввал бошқа қарғанинг уйига бостириб кирган бўлади ва жазоланади.Кейинчалик яна гуноҳ иш қилади, яъни бошқа қарғанинг аёлига зўравонлик қилади ва бу гуноҳнинг жазоси албатта ўлим бўлади. Жазо сифатида барча қарғалар бу қарғани тумшуқлари билан чўқиб ўлдиришлари керак бўлади. Бу ишни унинг акаси кўришни истамайди ва ёнидаги қарғага мен кетаман ва акаси сифатида ўз бурчимни ато этаман дейди.Укасининг жасадини тумшуғида кўтариб келиб, укасини кўмиш учун ерни қазишни бошлайди)."Шу қушнинг ақли етган ишга менинг ақлим етмадими?" деб ўйлаб у ҳам уласини кўмади.

Аслида бу воқеаларни ўша қарғанинг набираси бир чўпонга айтиб бераётган бўлади ва " энди Қобилдан кўриб бошқа инсонлар ҳам ўз ака-укаларини ўлдиришлари мумкин ва уларнинг қилган гуноҳларининг барчаси ҳам Қобилга ёзилади" дейди.Анашу воқеадан кейин ҳам одам вафот эца уни ерга кўмиш пайдо бўлган.