Mezgitkale

Mezgitkale
Korkusuz kral mezarı
Xaritadagi joylashuvi
Umumiy maʼlumot
Maqomi	ochiq
Turi	maqbara
Koordinatalar	36°28′2″N 34°1′37″E
Mezgitkale

Mezgitkale – Turkiyaning Mersin viloyatidagi II yoki III asrlarda qurilgan maqbara.

Joylashuvi

Mezgitkale (shuningdek , Korkusuz Kral Mezari „qoʻrqmas podshoh maqbarasi“ nomi bilan ham tanilgan) Silifke tumanidagi Oʻztürkmenli qishlogʻi yaqinida joylashgan kichik maqbaradir. Toros togʻlarining janubidagi 500 metr (1,600 ft) balandlikdagi platoda qurilgan. Unga Oʻrta yer dengizi sohilidagi Atakent orqali borish mumkin. Silifkegacha boʻlgan masofa 27 kilometr (17 mi) ni,Mersingacha esa 80 kilometr (50 mi) ni tashkil etadi.

Tarixi

Turkcha -kale qoʻshimchasi qal’a maʼnosini bildirsa-da, bu bino aslida maqbaradir. Bundan tashqari, mashhur eʼtiqod fikrlariga qaramasdan, bu inshoot podshoh maqbarasi emas. Uni taniqli Rim fuqarosi (ehtimol yer egasi) oilasi uchun qurgan. Binodan taxminan ikki asr davomida qabr sifatida foydalanilgangan. Keyinchalik u Vizantiya davrida tashlab ketilgan. Usmonlilar davrida bino uy sifatida ishlatilgan.

Tuzilishi

Kvadrat binoning oʻlchamlari 7,8 x 7,8 m ² (25,6 x 25,6 fut ²) ni tashkil etadi. Korinf tipidagi toʻrtta ustun va korbelli kirish eshigi janubiy tomonga oʻrnatilgan. Shimoliy devorda qalqon, qilich va ikkita chayon tasviri tushirilgan. Gʻarbiy devorda, ehtimol, Priaposga bagʻishlangan fallusning relef tasviri (hozir qisman shikastlangan) mavjud. Maqbara yonida toshdan oʻyilgan sisterna joylashgan boʻlib, oʻlchamlari 5 x 20 x 8 m ³ (16,4 x 65 x 26) fut ³. Bu yerda Madaniyat va turizm vazirligi maʼlumotlariga koʻra, zaytun moyi ustaxonasi ham boʻlgan