Nabijon Qosimov

Nabijon Kasimov
	; Chapdan oʻngga: Matt Lashey, Nabijon Kasimov va Richard Grenell, 2019-yil 4-iyul, Berlin
“DUWK Büro” rahbari
	Mansab davri; 2024-yil martdan
Oʻzbekistonning Germaniyadagi elchisi
	Mansab davri; 2017-yil 23-oktyabrdan – 2023-yil 26-sentyabrgacha
Prezident	Shavkat Mirziyoyev
Oʻtmishdoshi	Baxtiyor Gʻulomov
Vorisi	Dilshod Ahatov
Shaxsiy maʼlumotlari
Tavalludi	5-noyabr 1970-yil (53 yosh); Toshkent
Mukofotlari
Vebsayti	DUWK Büro

Nabijon Sadikdjanovich Kasimov - o‘zbek diplomati va xalqaro iqtisodchi. Germaniya-O‘zbekiston biznes hamkorligi byurosi "DUWK Büro" rahbari.^[1] 2017-yildan 2023-yilgacha Germaniya, Shveysariya, Shvetsiya va Chexiyada O‘zbekiston Respublikasining Favqulodda va Muxtor Elchisi bo‘lib ishlagan.^[2]^[3] Shuningdek, O‘zbekiston Xususiy turizm tashkilotlari assotsiatsiyasi raisi lavozimini egallagan va O‘zbekiston Savdo-sanoat palatasi raisining o‘rinbosari bo‘lgan.

Ta’lim

Nabijon Kasimov 1988-yilda Toshkentdagi o‘rta maktabni medal bilan tugatgan. 1988-yildan 1993-yilgacha Toshkent davlat sharqshunoslik Instituti xalqaro iqtisodiy munosabatlar fakultetida tahsil olgan. 1997-yildan 1998-yilgacha O‘zbekiston Respublikasi Prezidenti huzuridagi Davlat va jamiyat qurilishi akademiyasida o‘qib, xalqaro iqtisodiy munosabatlar bo‘yicha magistr darajasini olgan.^[4]^[5]

Mehnat faoliyati

1993-yildan 1999-yilgacha O‘zbekiston Tashqi iqtisodiy aloqalar vazirligi qoshidagi "Uzmarkazimpex" tashqi savdo kompaniyasida paxta tolasi eksporti bilan shug‘ullangan. 1996-yilda AQShning Memfis shahrida Xalqaro paxta institutida ta'lim olgan. Shuningdek, 1996-1999 yillarda New York Cotton Exchange (AQSh), Liverpool Cotton Exchange (Buyuk Britaniya) va Bremer Baumwollbörse (Germaniya) kabi xalqaro kompaniyalar va tovar birjalarida malaka oshirgan.

1999-yil avgust oyida Nabijon Kasimov Germaniyadagi O‘zbekiston elchixonasida Ikkinchi kotib etib tayinlangan va 2003-yilgacha ishlagan, bu davrda Savdo-iqtisodiy maslahatchisi lavozimiga erishgan.

2003-yildan 2004-yilgacha O‘zbekiston Respublikasi Vazirlar Mahkamasida tashqi savdo kompaniyalari faoliyatini muvofiqlashtirish bo‘yicha guruhga rahbarlik qilgan.

2004-yilda O‘zbekiston Savdo-sanoat palatasi tashkil etilganidan so‘ng, uning Birinchi kongressida Tashqi iqtisodiy hamkorlik masalalari bo‘yicha rais o‘rinbosari etib saylangan. 2008-yildan 2013-yilgacha O‘zbekiston Savdo-sanoat palatasi Boshqaruv a’zosi va Tashqi iqtisodiy aloqalarni rivojlantirish bo‘yicha rais maslahatchisi bo‘lgan.

2013-yilda O‘zbekiston Xususiy turizm tashkilotlari assotsiatsiyasi raisi etib saylangan.

2017-yildan 2023-yilgacha Germaniyada O‘zbekiston Respublikasining Favqulodda va Muxtor Elchisi bo‘lgan.^[6] Shuningdek, 2018-2023 yillarda Shveysariya va Shvetsiyada, 2019-2023 yillarda esa Chexiyada O‘zbekiston Respublikasining Favqulodda va Muxtor Elchisi (qo‘shma tayinlash asosida) bo‘lib ishlagan.^[7]^[8]^[9]^[10]

2017-yilning 28-noyabr kuni Germaniya Prezidenti Frank-Walter Steinmeierga ishonch yorliqlarini topshirdi.^[11] 2018-yilning 29-avgust kuni Shvetsariya Prezidenti Alain Bersetga ishonch yorliqlarini topshirdi.^[12] 2018-yilning 13-dekabr kuni Shvetsiya Qiroli Carl XVI Gustafga ishonch yorliqlarini topshirdi.^[13] 2019-yilning 21-fevral kuni Praga shahrida Chexiya Prezidenti Miloš Zemanga ishonch yorliqlarini topshirdi.^[14]

2024-yil mart oyidan boshlab Nabijon Kasimov Germaniya-O‘zbekiston biznes hamkorligi byurosi “DUWK Büro” rahbari sifatida faoliyat yuritmoqda.^[15]

Mukofotlar

2020-yilda O‘zbekiston Respublikasi Prezidenti farmoni bilan «Sodiq xizmatlari uchun» medali bilan taqdirlangan.

Manbalar

Havolalar

[1] „DUWK Büro - Germaniya-O‘zbekiston Biznes Hamkorligi Byurosi“.

[2] „Neu in Berlin: Nabijon Kasimov“.

[3] „ITB 2019 Berlin: интервью с председателем Государственного комитета по развитию туризма Узбекистана“.

[4] „Nabijon Kasimov appointed Ambassador of Uzbekistan in Germany“. 2023-yil 3-mayda asl nusxadan arxivlangan. Qaraldi: 2023-yil 3-may.

[5] „Набижон Касимов стал послом Узбекистана в Германии“. 2023-yil 3-mayda asl nusxadan arxivlangan. Qaraldi: 2023-yil 3-may.

[6] „Набижон Касимов стал послом Узбекистана в Германии“.

[7] „O'zbekistonning yangi elchisi Berlinga keldi“.

[8] „Usbekistan“.

[9] „Набижон Касимов назначен Послом Узбекистана в ФРГ“.

[10] „Usbekistan“.

[11] „Посол Узбекистана вручил верительные грамоты Президенту Германии (фото)“.

[12] „Ambassador of Uzbekistan presents his credentials to President of Switzerland“.

[13] „Oʻzbekistonning Shvetsiyadagi elchisi Nabijon Qosimov Shvetsiya Qiroli Karl XVI Gustavga ishonch yorligʻini topshirdi“.

[14] „Ambassador Nabijon Kasimov presents credentials to the Czech President“.

[15] „DUWK Büro - Germaniya-O‘zbekiston Biznes Hamkorligi Byurosi“.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]