Ełesion

Na urna

L'ełesion xe on metodo de selta del titolare o titolari de on ufiso da parte dei menbri de on colejo, corpo eletorale o altra xente, che i xe ciamai a segnar le so prefarense traerso el voto par una o pì anime (na lista), voti che i vien trasformai in na selta coletiva, su la baxe de regole prestabilie.

Inte el caxo el colejo el sia ciamà a sieliere i so stesi membri, se parla invese de cooptasion.

Descrision

Le anime che le ga el dirito de votar le se ciamà eletori; chele che le va propio a votare partesipando a la elesion le se ciama votanti. Le anime che le pole esar votae, le xe dite candidai. In alguni tipi de elesion i pole esar votai tuti i eletori o parsin le persone foreste; in altri tipi, invese, i pole esar votai solo cheli che i manifesta prima de l'elesion, segondo le regole prestabilie, la propria candidaura, che xe la volontà de esar candidai. Segondo i caxi, i candidai i pole prexentar

Sgabiosi eletorali inte na scola

la so candidaura in maniera singola o riunii in liste. El dirito de esprimare el voto xe dito eletorà ativo, el dirito de candidarse par esar eleto se ciama eletorà pasivo. Inte le elesion dei titolari de ufisi colejali, i singoli posti da menbro del colejo da elexare, i xe diti seji. In ste elesion, i eletori i pole esar divixi in coleji eletorali, sascun de sti qua i elexe uno o pì menbri de l'ufiso colejale: Inte el primo caxo el colejo eletorale xe dito uninominale, inte el segondo plurinominale. Se el colejo eletoral xe ristreto so baxe teritoriale, xe anca dito circostrision eletorale (o distreto eletorale).

On elesion la pole svolxarse co voto segreto, o sia in modo che no se conosa el voto scrito da on determinà eletore, o co voto conosuo, in caxo contraro. De solito se dopara la prosedura vanti scrita: In un sejo eletoral, vien predisposte de le schede co suscrito le sielte pusibili, l'eletore ponta na croxe o un altro scarabiso justo sol nome o so el sinbolo vosuo, dopo el buta la scheda inte na urna. Inte el caxo del voto segreto, l'eletore vota inte on sgabioso sarà e el piega la scheda prima de ndarghe fora, in maniera che nisuni posa vedar el so voto. A la fine, tute le schede le vien tirae fora da l'urna e vien contà i voti scriti.

Inte i paexi democratisi, l'elesion xe la maniera andove i sitadini i sielie i so raprexentanti inte i organi de el podere lexislativo e, in alguni caxi, anca i titolari de organi del poder executivo e xudisiario, a livelo nasional o local. Ste elesion le se tien a voto secreto, par garantirghe la libartà dei votanti, segondo na prosedura ciamada dirito eletorale.

Tipi de elesion

Le elesion le pole servir par dar careghe publeghe o privae. Existe difarenti tipoloxie de elesion publeghe:

• Ełesion pułiteghe, par l'elesion del parlamento o del goerno del Paexe;
• Ełesion aministradive, par l'elesion dei raprexentanti e dei executivi dei enti teritoriali (in Italia: rejon, provinse, comuni, sità metropolitane);
• Ełesion primarie, par stabilire in antisipo el candidà, in raprexentansa de on determinà partio o coalision, a le elezioni pułìteghe/amministrative che vien.
• Ełesion eoropee, par el Parlamento Eoropeo.

El metodo de l'elesion el vien doparà anca da molte organixasion privae, dai club a le asociasion sensa fin de lucro, par sieliere i propri aministradori.

La sielta del candidà pole esar direta o indireta. Inte le elesion direte i votanti i segna diretamente sui candidai. Inte na elesion indireta, xe on modo andove i votanti no i sielie tra dei candidai a na carega, ma i elexe anime che dopo le podarà sieliere se ndare in carega o no.

Corelade

• Astensionismo
• imbrojo ełetorałe
• Capoełetore
• Cooptasion
• Ełesion aministrative
• Exit poll
• Democrasia
• Goerno
• Parlamento
• Partio pułitego
• Promesa eletorałe
• Sejo eletorałe
• Sufrajo universałe
• Sistema ełetorałe
• Voto de prefarensa
• Voto de scanbio
• Sondajo de opinion
• Campagna ełetorałe

Altri progetti

• Wikimedia Commons

• Wikimedia Commons el detien imàjini o altri file so ełesion