Gigi Proietti

Gigi Proietti

(1973)
Biografia
Nasimènto	(it) Luigi Proietti 2 de novenbre del 1940 Roma
Mòrte	2 de novenbre del 2020 (80 ani) Roma
Càuxa de morte	Càuze nadurałi  (Infarto miocàrdico acuto )
Liogo de sepełimento	cimitero acattolico di Roma (it)
Dati personałi
Formasion	Università degli Studi di Roma "La Sapienza" (it)
Atività
Laóro	ator, ator de teatro, diretor de cine, senezador, dopiador, comediante, cantante, ator de tełevixion
Atività	1955  –  2020
Scołaro	Gabriele Cirilli (it) , Enrico Brignano, Giorgio Tirabassi, Flavio Insinna (it) , Francesca Reggiani (it) e Chiara Noschese (it)
Instrumento muxegałe	Voze, Pianoforte, chitara, fisarmonica (it) e Contrabaso
Fameja
Fiołi	Carlotta Proietti (it)
Zenitori	Raffaele Proietti (it) (nipote (it) )
(2017)  Nastro d'argento alla carriera (it) (2003)  Nastro d'argento al migliore attore protagonista (it) , premià par Febbre da cavallo - La mandrakata (it)  Grande ufficiale OMRI (it)
Sito web	gigiproietti.it

Gigi Proietti inte ła nàgrafe Luigi Proietti (Roma, 2 de novenbre 1940 - Roma, 2 de novenbre 2020) el xe stà un dopiadore, condutore tełevixivo, regista, cantante, diretore artìstego e insegnante itałian.

El faxeva parte di cueła corente de artisti de formasion teatrałe, canpo indove ch'el ga mietùo notevołe suceso fin dai inisi dei ani sesanta. Conosùo par łe so dote de de afabułador e trasformista, el xe considerà uno dei masimi esponenti de ła storia del teatro itałian; inte el 1963 grasie a Giancarlo Cobelli el ga exordìo inte el Can Can degli italiani, par po' interpretar sensa sosta numaroxi spetacołi teatrałi fin a A me gli occhi, please, del 1976, exenpio de teatro-grafia che ga segnà uno spartiàcua inte el modo de intender el teatro, e al cuało seitarà numaroxisime repleghe anca co nove verion inte el 1996, e inte el 2000, traversando i pì inportanti teatri itałiani. El spetacoło ga segnà un record de oltra 500 000 prexense al Teatro Olimpico de Roma 4.

Esendose afermà cofà ator teatrałe, el ga avùo anca espariense inte el canpo tełevixivo, al cuało el se ga dedegà fugasemente tra ła fin dei ani sesanta e l'inisio dei ani setanta: el ga ciapà parte al senegià Il circolo Pickwick de Ugo Gregoretti, cołaborasion che xe ndà vanti drìoman co esperiese tełevixive de minor rimàrco. Tra i ani setanta e i ani otanta el xe stà anca protagonista de racuanti spetacołi de suceso cofà Sabato sera dalle nove alle dieci, Fatti e fattacci, Fantastico e Io a modo mio. Verso el finir dei ani setanta el ga anca verto el Laboratorio di Esercitazioni Sceniche, che ga visto tra i so arlèvia numaroxi personaxi deventài sucesivamente fase conosùe del spetacoło itałian.

Nonostante el sodałisio col sinema no'l gabia de frecuente dà i fruti sperai, ga ciapà ła consacrasion sinematografega inte el 1976 co Febbre da cavallo, inte el ròło de l'incałìo scometidor Mandrake, che col pasar dei ani el xe devegnesto un vero e pròpio film de culto, che ga riciapà inte el 2002, ano inte el cuało el ga cominsià un forte sodałisio co i fradèłi Carlo ed Enrico Vanzina.

A partir dai ani novanta, parałełamente al suceso otegnesto in teatro, el xe stà protagonista de svariae serie tełevixive de suceso, prima intrà tute ła serie par ła Rai Il maresciallo Rocca, inisiada inte el 1996 e devegnesta una de łe seriałità de maxor audience de ła tełevixion itałiana, spianàndoghe inaspetatamente ła strada verso na vera e pròpia segonda xoventù. Senpre par ła Rai el xe stà anca San Filippo Neri inte ła miniserie Preferisco il Paradiso, el gardenàl Romeo Colombo da Priverno in L'ultimo papa re, el misterioxo xenerałe Nicola Persico in Il signore della truffa, e'l stranbo xornałista Bruno Palmieri in Una pallottola inte el cuore.

El ga avùo anca esperiensa come cantante, faxendo parte del grupo muxicałe Trio Melody, insieme a Stefano Palatresi e Peppino di Capri, oltra che come poeta e scritor. Inte el 2017, a vint'ani da l'ultima esperiensa, el xe tornà in tełevixion come protagonista del programa Cavalli di battaglia, traxesto da l'omonema tournée çełebrante i so 50 ani de carièra.

Biografia

Xoventù e gaveta come cantante e ator

Fiòło de Romano Proietti, de Porchiano del Monte (frasion del Comun de Amelia), e de ła caxałina Giovanna Ceci, de Leonessa, el ga vivesto i primi diexe mexi de ła so vita in una caxa in via di sant'Eligio (na traversa de via Giulia) a Roma. Dopo esarse diplomà al Łiceo Genàxio Statałe "Augusto" de Roma, el se iscrive al corso de łaurea in Giurisprudensa a l'Università "La Sapienza", che el bandonarà a sìe exami da ła łaurea.

Pasionà de muxica fin da putèło, el sona ła chitara, el pianoforte, ła fixarmonega e el contrabasso, e inte el tenpo łibaro el taca exibirse come cantante inte łe feste studentesche, inte i bar a l'averto, e, pì vanti, inte i night-club pì çełebri de ła capitałe. In un'intervista al Fatto Quotidiano el ricordarà, drìoman, che i personaxi de ła Roma de l'epoca i xe stai in parte fonti de ispirasion par alcuni ròłi comici da łu interpretai sol grando schermo. A propoxito de sto periodo el dichiararà: «Par mantegnirme ai studi cantavo inte i night club. Scominsiavo a łe 10 de sera e finivo a łe 4 del matin, usivo fora co un còło sgiònfo... No ghe zera mexura de camixa che tegnise: ghe vołeva un coverton». El xovane Proietti, riveła tutavia de non èsar inisialmente interesà al mondo del teatro: «Asołutamente no! A teatro no ghe jero mai stà e po' no jero fio de atori». Anca i xenitori, anca puxando ła so desixion, no i xera del tuto convinti de łe prime prove del xovane Luigi. . Riguardo a ciò el ga dichiarà: «Cuando a Petrolini se ghe domandava se'l disendese da ła Comedia de l'Arte, łu el respondeva "Mi disendo noma che da łe scałe de caxa mia". Me piaxe l'ironia dei romani de na volta»]]

El se ga iscrivesto al Centro Teatro Ateneo, el xe stà arlevo de personaxi de spico cofà Arnoldo Foà, Giulietta Masina e Giancarlo Sbragia. «Ła matina frecuentavo łe łesion, el pomerigio provavo a l'Ateneo, ła sera cantavo inte i łocałi noturni. I exami no i finiva mai» el comentarà. Inte el steso momento el deside de łasar definitivamente ła facoltà de Giurisprudensa, e el taca frecuentar el corso de mimica del Centro Universitario Teatrałe tegnùo da Giancarlo Cobelli, el cuałe nota suito łe so cuałità de muxicista e ło scritura par un spetacoło de avanguardia da łu direto, Can Can degli italiani (1963), conponesto da famoxi scritori cuałi Ercole Patti e Luigi Malerba, indove el mete in muxega un aforisma de Ennio Flaiano, Oh come ze bello sentirsi....

A partir dal 1964 el coverxe ròłi de contorno sol palcosenico col Grupo Sperimentałe 101 soto ła diresion de Antonio Calenda, dal steso Cobelli e anca co Andrea Camilleri, non oncora deventà çełebre come scritor. El so primo ròło ło recita a l'averto, travestìo da upupa, inte ła raprexentasion de Gli uccelli de Aristofane (1964) direto da Giuseppe Di Martino. Dal 1968 el otien ròło da protagonista in difarenti spetacołi mesi in sena dal Teatro Stàbiłe dell'Aquila, tra cui Il dio Kurt de Alberto Moravia e Operetta di Witold Gombrowicz.

Primi sucesi ed exordi sinematografeghi

Proietti inte el 1964 fa un picoło cameo in Se permettete parliamo di donne de Ettore Scola. Anpò xe inte el 1966 ch'el debuta contenporaneamente sol grando e picoło schermo. In ogni caxo el so primo ròło, par na curioxa coincidensa, xe cueło de un maresiało dei carabinieri, l'isteso che trent'ani daspò ło porta a ła granda notorietà. Al sìnema ło vedemo in un epixodio de Le piacevoli notti inte el 1966, e in ròłi pì corpoxi in Lo scatenato, La matriarca e Una ragazza piuttosto complicata. Tinto Brass xe el prim regista a vałorixarlo co un ròło da protagonista inte el so film L'urlo del 1968, prexentà a ła Quinzaine des Réalisateurs de Cannes.

In tełevizion el ezordise inte'l senejà I grandi camaleonti (1964), direto da Edmo Fenoglio. Insenbre a Ugo Gregoretti el conparise in ròłi sodisfasenti, cofà cueło del trufon Alfred Jingle in Il Circolo Pickwick (1967), traspozision de l'omonimo romanzo de Charles Dickens, indove el conpone e canta anca ła sigla finałe, La ballata di Pickwick. Propio durante łe sentae de rejistrasion de sta canson, el incontra un zovane de Poggio Bustone, che in chel brano el sona ła chitara, muzicista soto contrato co ła caza discografega Ricordi e destinà a ła granda notorietà, Lucio Battisti. Sarà el so primo e ùltemo incontro, recordà drioman dal steso Proietti in un'intervista durante na trasmision çełebrativa so'l cantante.

Tutavia el primo, inaspetà suceso riva inte'l 1970, co'l vien ciamà inprovizamente a sostituir Domenico Modugno, ofisialmente a cauza de unsidente che ghe ze capità (ma ofisiozamente, pare, a cauza de disapori co l'autor e co-protagonista de ła comedia, Renato Rascel) inte ła parte de Ademar inte ła comedia muzicałe de Garinei e Giovannini Alleluja brava gente: «Una botta di fortuna. Łì el ga capìo che se podeva coniugar el teatro łudico co ła cuałità artistega: el cusìdito teatro popołar».

El trionfo dei One-Man Show

Proietti inte'l 1975

Tra el 1965 e'l 1970, sia co'l Grupo Sperimentałe de Calenda sia sensa, Proietti porta in sena anca prove partegołari cofà Il mercante di Venezia, Le mammelle di Tiresia e Il misantropo di Molière. Co Il dio Kurt del 1969, enezemo suceso del grupo sperimentałe, Proietti capise de dover afrontar el palcosenico da sołista par no restar ingabià in ròłi eternamente conprimari.

Dopo aver reçità inte'l 1974 el ròło de Neri Chiaramantesi inte'l drama de Sem Benelli La cena delle beffe, darénte a Carmelo Bene, inte'l 1976 el strenze tringe un proficuo sodałisio co'ls critor Roberto Lerici, insieme al cuałe el scrive e dirize i so spetacołi, restai inte ła storia, A me gli occhi, please (1976), reportà in sena inte'l 1993, 1996 e inte'l 2000, in una memorabiłe performance al Stadio Ołinpico de ła so çità nadałe, Roma, oltre a Come mi piace (1983), Leggero leggero (1991) e, par ła tełevizion, Attore amore mio (1982) e Io a modo mio (1985).

In sti spetacołi Proietti, totalmente privo de guida rejistega, ga modo de scaenar ła so verve atoriałe come monołoghista, cantante, imitator, bałarìn, in estenuanti tour de force che otien un dironpente suceso de pùblego; da łe 6 serae inisialmente prevedeste se supara azevolmente łe 300, co pì de 2000 spetadori de media a inpenir i teatri tenda e i palasport de tuta l'Italia, amirà e stimà anca da inportanti personałità cofà Federico Fellini (el cuało prima pensa a łu par el ròło de Giacomo Casanova inte'l so film Il Casanova di Federico Fellini, drìoman asengà a Donald Sutherland e del cuało el sarà un eficase dopiador) e Eduardo De Filippo.

Ancora ancò A me gli occhi, please, anca par i so risvolti in parte dramatisi, xe reconosùa una de łe prove teatrałi pì riusìe e úneghe de senpre. Ła cołaborasion tra Proietti e Roberto Lerici se pol ben aconparar a cueła, artanto proficua, tra Giorgio Gaber e Sandro Luporini par el teatro canson. Drìo ła morte de Roberto Lerici, avegnesta inte'l 1992 par infarto, Proietti porta in sena e dirize altri do spetacołi sołisti, Prove per un recital (1996) e Io, Tòto e gli altri (2002). Inte'l 2004 el ga portà in tour el spetacoło Serata d'Onore, premià el 20 de agosto a l'Arena de Catanzaro co'l Riccio d'Argento come mejo spetacoło de l'ano inte ła rasegna a Fatti di Musica.

Fra teatro, sìnema, TV e radio

Proietti inte'l 1973 inte La Tosca

Inte i ani 1970 el recita come protagonista inte i film Gli ordini sono ordini (1970), Meo Patacca (1972), Conviene far bene l'amore (1975), Languidi baci, perfide carezze (1976). Notevołi xe anca łe partesipasion in film de rilievo come La proprietà non è più un furto (1973) de Elio Petri, L'eredità Ferramonti (1976) e soratuto in Casotto (1977) insenbre a Ugo Tognazzi e na zovane Jodie Foster. El pasa co notevołe dizinvoltura da ła comedia al ròło inpegnà, dal drama erotico al film grotesco, cuindi el partesipa a film de Mauro Bolognini, Mario Monicelli, Elio Petri e Luigi Magni, ma fursi soło Alberto Lattuada ghe ofre un ròło conpìo so'l versante dramatico inte'l film Le farò da padre (1974).

Proietti interpreta Gastone inte'l varietà TV Sabato sera dalle nove alle dieci (1974)

El partesipa anca ad alcuni film statunitensi direti da rezisti de prestigio cofà Sidney Lumet, Robert Altman e Ted Kotcheff, nonché co'l franseze Bertrand Tavernier. Ma ła consacrasion sinematogràfega riva inte'l 1976 co'l ròło del sfortunà indosator Bruno Fioretti, dito Mandrake, che inventa calsiase stratazema par poder zogar ai cavałi in sosietà co alcuni so amisi perdendo regołarmente, inte ła comedia de Steno Febbre da cavallo.

El film, acoliesto a l'inisio co fredesa da parte de ła critica sinematogràfega, co'l pasar dei ani, grasie anca ai molteplici pasaji tełevizivi, xe deventà un vero e propio film de culto; una de łe secuense pì memorabiłi del film xe sensa dubio cueła de ła stòrega tris, che se retorsarà contro i tre protagonisti, dei cavałi King, Soldatino e D'Artagnan.

Co Gregoretti el łaora oncora inte'l 1974 in un spetàcoło sperimentałe che proa a fonder el varietà coo'l senejà, Sabato sera dalle nove alle dieci, indove Proietti xe condutor, conpone e canta ła sigla del scomisnio e interpreta cuatro ròłi, e in un senejà ispirà a Emilio Salgari, Le tigri di Mompracem (1974), recordà par el grando uzo del chroma key, andove el interpreta el ròło Sandokan do ani prima de Kabir Bedi. Insénbre ad Antonello Falqui el razonze ła sìma masima a łiveło artìstego so'l pìcoło schermo co'l varietà zirà a cołori Fatti e fattacci (1975), insénbre a Ornella Vanoni, Giustino Durano e Massimo Giuliani, indove el interpreta el cantastorie de na malciapada conpagnìa de saltinbanchi in un viajo a pontae atraverso el folklore de cuatro sità italiane: Roma, Miłan, Napułi e Pałermo. A ła Sisilia el dedica ancora un omajo in chel steso ano, cantando in łengua sisiliana ła cełeberema Ballata di Carini, muzegà da Romolo Grano e utiłizà come sigla de inisio del senejà tełevizivo L'amaro caso della baronessa di Carini (1975), direto da Daniele D'Anza, co Ugo Pagliai e Janet Agren.

A ła radio el incontra un notevołe suceso inte ła trasmision Gran varietà, indove el partesipa tre volte: inte ła primavera del 1973 el interpreta el personajo de Avogadro el ladro; inte l'istà del 1975 el xe un irezistibiłe concuistador femenin che a parołe xe infałibiłe, e a ła prova dei fati ingruma continui dezastri; e inte l'ùtuno del 1978 el interpreta el personajo del Mago de ła Garbatella e canta anca ła sigla de serada de ła trasmision, Me vie' da piagne.

Ła nasita del Łaboratorio de ezersitasion sèneghe

Inte'l 1978 el asume, insénbre a Sandro Merli, ła diresion artìstega del Teatro Brancaccio de Roma, creando un so Łaboratorio de Ezersitasion Sèneghe par i zovani atori (ła steso roba farà Vittorio Gassman co ła so Botega Teatrałe de Firense), portando in sena co i so arlevi durante i ani òtanta numarozi spetàcołi asae apresài. In partegołar sta partegołar gaveta ła segnarà l'ezordio de tanti futuri e apresai volti del mondo dell spetàcoło: tra st'altri A ghe ze stà Giorgio Tirabassi, Pino Quartullo, Gianfranco Jannuzzo, Massimo Wertmüller, Paola Tiziana Cruciani, Rodolfo Laganà, Patrizia Loreti, Silvio Vannucci, Francesca Reggiani, Stefano Ambrogi, Giovanni Guardiano, Francesca Nunzi, Flavio Insinna, Chiara Noschese, Enrico Brignano, Nadia Rinaldi, Gabriele Cirilli, Edoardo Leo e Sveva Altieri.

Proietti, con Nino Manfredi, al concerto de Ornella Vanoni al Teatro Olimpico de Roma (1974)

De sto pariodo Proietti recorda che: «Come dizeva Gassman ai zovani atori, A go ghe go insegnà a łori tuti i me difeti. Ne ze nasesti tanti, ma no ghe ze un me erede A ze justo che no'l ghe sipia». Come revełarà anca Gianni Minà, in chel pariodo Proietti gaveva mantegnesto ła scòła da soło, co l'ajuto de Mario Bussolino, prima che rivase i contributi rejonałi. Inte l'isteso momento el se simenta anca co ła rezìa teatrałe, spesiałizandose in adatamenti teatrałi de sucesi sinematogràfeghi, oltra a curar ła mesa in sena de racuante òpare łìreghe tra el 1983 e 'l 2002. El se simenta co suceso anca inte'l canpo del dopiajo, indove el taca inte'l 1964 prestandoghe ła vozea al Gatto Silvestro dei cartoon de ła Warner Bros., cuindi a séłebri divi del grando schermo cofà Robert De Niro, Sylvester Stallone, Richard Burton, Richard Harris, Dustin Hoffman, Charlton Heston e Marlon Brando, nonché par George Segal in Tenderly de Franco Brusati e parfin a Michel Piccoli inte'l Diabolik de Mario Bava. A ze notevołe el so pirotècnego dopiajo del parsonajo del Zenio de ła łanpada inte'l film Aladdin (1992), produzesto da ła Walt Disney Pictures, che ripetarà anca inte i do sequel distribuìi solchè in home video, Il ritorno di Jafar e Aladdin e il re dei ladri, e in do videozoghi ispirai al film, La sfida per Agrabah e La bottega dei giochi di Aladdin. Tutavia el só łaor pì séłebre resta fursi cueło del primo Rocky del 1976, indove el ga dopiù un ezordiente Sylvester Stallone e de'l cuało el ga curà anca ła diresion del dopiajo.

Proietti co Ugo Gregoretti inte'l 1974

N'altro so dopiajo l'è cueło dei parsonaji dei do draghi siamezi Devon e Cornelius inte'l film d'anemasion La spada magica - Alla ricerca di Camelot, indove el łi dopia co do toni de voze desconpangni.

Inte ła stajon 1980-1981 el partesipa al programa domenegałe Il baraccone conduzesto da Paolo Panelli, co Monica Vitti e Marcello Casco. Dadrìo el microfono el tornarà soło che inte'l 1995 cofà voze narante del senejà Belfagor, ovvero il fantasma del Louvre. Inte'l 1981 el rientra in tełevizion co'l senejà Fregoli dirizesto da Paolo Cavara, ispirà a ła vita del grando trasformista Leopoldo Fregoli e so enèzemo tour de force, inte'l cuało el riveste i pani de ben 75 parsonaji, oltra a conponer e cantar ła sigla de serada, Prima de pija' sonno.

El declin al sìneama e condutor tełevizivo

El suceso de Febbre da cavallo insieme a Enrico Montesano, gavarìa dovesto segnar ła consacrasion de Proietti al sìnema e l'inisio de na florida cariera sinematogràfega inte'l mondo de ła comedia a l'itałiana ma cusì no'l ze stà; infati, escludendo ła comedia de Sergio Citti del 1977 Casotto, Proietti recita in do film de scarso suceso de pùblego, Languidi baci... perfide carezze e Non ti conosco più amore de Sergio Corbucci, non consentìndoghe a l'ator un decoło vero e propio al sìnema. Par tuti i ani 1980 e 1990 Proietti partesipa a pochi film sełesionai e in parte prensipalmente segondarie, come in "FF.SS." - Cioè: "...che mi hai portato a fare sopra a Posillipo se non mi vuoi più bene?" de Renzo Arbore inte'l 1983 o in Mi faccia causa del 1985, da novo dirizesto da Steno. Inte'l 1983 el debuta cofà condutor tełevizivo, guidando ła cuarta sfortunada edision del varietà Fantastico 4 (1983), dirizesto da Enzo Trapani; el show ga perdesto par ła prima volta ła sfida inte i ascolti contro ła concorensa de Premiatissima del grupo Fininvest, fursi a cauza del fato che daspò tanti ani el programa el perdeva el só stòrego condutor, Corrado Mantoni.