Input

Input xe on termine inglexe co el signifegà de "imetare" che inte el canpo informadego, el definise na secuensa de dati o informasion, imesi par mexo de na "periferega ciamada come xà dito input" e dopo elaborai. El termine, rivà in Veneto e anca in Italia come termine informadego inte i ani sesanta, el se riferiva inte el contenpo ai dati de entrada e i suporti che li contegneva.

dopo, speçalmente co xe vegnue i metodi de jestion par proçeso, el se ga difondesto in caxi tute le materie, anca no tecneghe, inte el senso pì xeneral del termine, o sia "insieme de elementi che va drento" so on sistema par produre calcosa.

Inte el lenguajo de oncò, el input xe divegnuo sinonimo de inpulso o comando chel fasa partir calche opera, scuminsiadiva o asion in jeneral. El contraro de input xe output.