Paola Barale
![]() ![]() | |
Biografia | |
---|---|
Nasimènto | Eror Lua: callParserFunction: function "
[[Categoria" was not found. (57 ani)Fossano (Itàlia) ![]() |
Dati personałi | |
Altura | 172 cm ![]() |
Atività | |
Laóro | Eror Lua: callParserFunction: function "
[[Categoria" was not found. |
Sito web | paolabarale.it ![]() |
Errore Lua in Modulo:Interface_Wikidata alla linea 89: attempt to call field 'formatStatements' (a nil value).
Errore Lua in Modulo:Interface_Wikidata alla linea 89: attempt to call field 'formatStatements' (a nil value). Errore Lua in Modulo:Interface_Wikidata alla linea 89: attempt to call field 'formatStatements' (a nil value).
|
Paola Barale (Fosan, 28 de apriłe 1967) ła ze na showgirl, prezentadora tełeviziva e atora itałiana.
Biografia
[canbia | canbia el còdaxe]I ezordi co Mike Bongiorno
[canbia | canbia el còdaxe]Ła taca łaorar in tełevizion come lettorina inte'l programa Odiens de Antonio Ricci. Ła ze stà definìa da tanti ła sozia de Madonna, soratuto a'l look de'l parìodo de ła canson True Blue. Dopo aver avùo un provin inte l'autun de'l 1989, ła deventa vałeta ofisiałe de Mike Bongiorno, in nùmaroze trazmision che'l gavea prezentà: La ruota della fortuna (1989-1995), Tutti par uno (1992-1993), Festival italiano (1993) e i do spin-off de la ruota della fortuna: La ruota d'oro (1994-1995) e La ruota mundial(istà 1994).
I ani del suceso
[canbia | canbia el còdaxe]Inte ła stazon 1994 - 1995 de matina ła prezenta, co Marco Predolin e Natalia Estrada, el primo programa dedicà a łe tełevendite, ciamà Grandi magazzini. Inte ła primavera de'l 1995 co Gerry Scotti ła prezenta el speciałe de San Valentino Una notte c'incontrammo, el spesiałe dedicà ai sento ani de'l sinema I magnifici dieci e ła serada Stelle a quattro zampe. Inte l'istà de'l 1995 co Claudio Cecchetto ła prezenta Un disco par l'estate, mentre in autun in conpanjìa de Gerry Scotti na edision de'l varietà comico La Sai l'ultima?[1]
Inte'l 1996 ła prezenta da nòvo ła serada Stelle a quattro zampe. Inazonta ła xe in conpanjìa de Luca Barbareschi inte Il grande bluff, e ła prezenta co Fiorello Un disco par l'estate. In autuno ła ze infrà i protagonisti de ła sit-com Cascina Vianello, co Raimondo Vianello e Sandra Mondaini.
Da'l 1996 a'l 2001 ła ga prezentà co Maurizio Costanzo el programa d'intratenjimento Buona Domenica, roło che inte'l 1999, el ghe parmete de vinser el Telegatto come parsonazo femenin de l'ano. Contenporaneamente, ła ga puzà nùa pa'l całendario sexy 2000 de ła revista GQ, somegie de Fabrizio Ferri.
Inte l'autun de'l 2000 ła prezenta el show de Italia 1 Macchemù, de'l cuało inte'l meze de magio de'l steso ano, ła gaveva prezentà na pontada piłota. Senpre in cueła stajon, ła prezenta co Massimo Lopez, par ła tersa volta, ła trazmision Stelle a quattro zampe.
Inte'l 2002 ła ze a fianco de Pippo Baudo inte łe tre pontàe spesiałi de Numero Uno, co Max Novaresi ła prezenta Un disco par l'estate, ła pontàda piłota de un show ciamà Ce la fai, el Premio par la fiction Telegrolle, e a setenbre par algune pontade ła ze inte'l cast de Quelli che il calcio.
Inte l'istà de'l 2003 ła ze da novo al timon so Rai 2 de ła manifestasion Un disco par l'estate, 'sta volta co-prezentà co Max Pisu.
El 23 desenbre 2004, ła ga prezentà co Marco Maccarini e Victoria Cabello, na serada speciałe da'l titoło Milano Rocking Fashion, che ła ze stà trazmesa in prima serada so Italia 1.
Inte ła stajon 2005 - 2006 ła torna darecà inte'l cast de Buona Domenica cofà prezensa fisa.
El ritorno in tełevizion
[canbia | canbia el còdaxe]Inte l'autun de'l 2008, dapò alguni ani che ła se ga fermà, ła ze l'inviada in Sudàfrega de ła tersa edision de'l reality show La talpa, presentà da Paola Perego so Italia Uno.
Inte ła primavera 2009 ła ze intrà i zurà de'l talent show Vuoi ballare co me?, prezentà da Lorella Cuccarini so Sky Uno.
Inte ła primavera 2010 ła prezenta co Enrico Papi ła segonda edision de'l reality comedy La pupa e il secchione, so Italia 1.
Inte'l 2011 ła ze presenza fisa de'l sałoto de Domenica In, programa conduzesto da Lorella Cuccarini ła doménega pomerigio so Rai 1.
Inte ła stazon 2012-2013 ła se unise a'l grupo de prezentadori ( conponesto da Jane Alexander, Stan Lee, Marco Berry, Daniele Bossari, Andrea G. Pinketts e Nicole Pelizzari ) inte ła condusion de Mistero, programa de Italia 1. Senpre so Italia 1, ła apare in algune pontade de'l programa comico Colorado - 'Sto classico.
Da'l 26 apriłe 2013 ła ciapa parte, cofà juto-chef, a'l programa de cuzina La terra dei cuochi, prezentà da Antonella Clerici so Rai 1, che ła vinse inte ła pontada de'l 2 zunjo.
Atività de atora
[canbia | canbia el còdaxe]Inte'l 2004 ła reałiza el docureality Film privato, in conpanjìa de'l só noviso Raz Degan, trazmeso so Italia 1.
Inte'l 2006 ła zira el curtometragio Broadcast, co ła rezìa de Laura Chiossone, par cui ła vinse alguni premi, tra cui cueło de mejo atora protagonista a'l Murgia Film Festival e cueło par la mejo intarpretasion a'l Siena International Film Festival.
Inte'l 2008 ła ze co-protagonista de'l film Colpo d'occhio, rezìa de Sergio Rubini.
Inte'l 2009 ła ze inte'l cast de'l film dramàtego Vorrei vederti ballare, a'l fianco de atori de'l całibro de Giuliana De Sio e Alessandro Haber, co ła rezìa de Nicola Deorsola.
Inte'l 2011 ła se dedica anca a'l teatro, ła vien sernìa da Luciano Melchionna pa'l roło de ła "Strigona" inte'l spetacoło de teatro sperimentałe Dignità Autonome di Prostituzione.
Inpegni come "testimonial"
[canbia | canbia el còdaxe]Ła ze testimonial de ła cołesion primavera/istà 2010 Talco'.
Problemi zudisiari
[canbia | canbia el còdaxe]Inte l'istà de'l 2001, durando na percuizision inte na carbona fidada da ła Barale a l'Isola d'Elba, i Carabinieri i ga descoverto un cuantitadivo de hashish co cui ła showgirl ła ga sostenjùo de non averghe njente a che fàr.[2] Paola Barale ła ga sostenjùo che l'hashish no'l se catava in caza ma inte łe scarsèłe de na parsona che ła gera co eła e Raz Degan, visto che 'sta parsona no ła jera un "vip" i mèdia i gavea ciapà de mira ła cùbia inzigantìndo ła roba. Dopo calche ano Paola Barale e Raz Degan i ze stài prosiòlti da onji acuza a só cargo.
Tełevizion
[canbia | canbia el còdaxe]- Odiens, (1988)
- La ruota della fortuna (1989-1995)
- Tutti x uno (1992-1993)
- Festival Italiano (1993)
- La ruota d'oro (1994-1995)
- La ruota mundial (estate 1994)
- Grandi magazzini (1994-1995)
- Una sera c'incontrammo (1995)
- I magnifici dieci (1995)
- Stelle a quattro zampe (1995-1996-2000)
- Un disco par l'estate (1995-1996, 2003)
- La sai l'ultima? (1995)
- Il grande bluff (1996)
- Buona Domenica (1996-2001, 2005-2006)
- Macchemù (2000)
- Numero Uno (2002)
- Ce la fai (2002)
- Premio par la fiction Telegrolle (2002)
- Quelli che il calcio (2002)
- Milano Rocking Fashion (2004)
- La talpa (2008)
- Vuoi ballare co me? (2009)
- La pupa e il secchione (2010)
- Così fan tutte (2011, guest star)
- Mistero (2012)
- Colorado - 'Sto classico (2012, guest star)
- La terra dei cuochi (2013)
Filmografia
[canbia | canbia el còdaxe]- Cascina Vianello, rezìa de Paolo Zenatello (1996)
- Film privato, rezìa de Raz Degan e Paola Barale (2004)
- Broadcast, rezìa de Laura Chiossone - Curtometragio (2006)
- Colpo d'occhio, rezìa de Sergio Rubini (2008)
- Buona la prima, rezìa de Rinaldo Gaspari (2008)
- Vorrei vederti ballare, rezìa de Nicola Deorsola (2009)
Teatro
[canbia | canbia el còdaxe]- Dignità Autonome di Prostituzione, regia de Luciano Melchionna (2011-2013)
Premi
[canbia | canbia el còdaxe]- 1992 - Telegatto par La ruota della fortuna
- 1993 - Telegatto par La ruota della fortuna
- 1994 - Telegatto par La ruota della fortuna
- 1995 - Telegatto par La ruota della fortuna
- 1998 - Telegatto par Buona domenica
- 1999 - Telegatto parsonazo femmenin de l'ano
- 2000 - Telegatto par Buona domenica
Note
[canbia | canbia el còdaxe]- ↑ Venier batte la Cuccarini ma di sera vince Fininvest, in la Repubblica, 17 ottobre 1995, pp. 41. entrada il 18 ottobre 2011.
- ↑ Giovanna Cavalli, Fiorello, Versace, Calissano: l'Italia e la coca, Corriere della Sera, 13 ottobre 2005. entrada il 5 aprile 2012.
Linganbi foresti
[canbia | canbia el còdaxe]- Sito ufisałepaolabarale.it.
- (EN) Paola BaraleInternet Movie Database, IMDb.com.
Scheda su Paola Barale de l'Internet Movie Database