Storia del Benin
El teritorio che ancò forma la republica del Benin, la ex colonia francexe del Dahomey, el xe stà par tanti secoli dominà dal regno del Dahomey (IX-XIII secolo). En tel XIII secolo el xe stà el tempo del regno de Benin, che gavea la cavedal a la Sità de Benin, ancò in Nizeria. El regno de Benin el ga vù na grande stabilità e el ga streto acordi comerciali co Olanda e Portogalo. En tel XVIII secolo, el Regno de Benin el xe rivà a la so fin naturale. Divizioni interne le ga indebolio el regno che el no xe stà bon de oporse a l’invasion francexe del 1872. La nova colonia la xe stà inglobà da l’Africa Francexe Ocidentale in tel 1904.
Colonialismo
[canbia | canbia el còdaxe]I francexi i ga costruio el porto de Cotonou e la ferovia. Le scole le xe stà costruie da la Cexa catolega. En tel 1958 el Dahomey la xe diventà na republica autonoma rentro la Comunità Francexe. El 1 agosto 1961, la republica del Dahomey la xe diventà indipendente co presidente Hubert Maga. I problemi econòmeghi i ga portà a l’instabilità pułìtega. En tel 1963, co on primo colpo de stato, Justin Ahomadegbé el xe diventà presidente. N’altro colpo de stato in tel 1969 el ga portà Paul-Émile de Souza al poter. En tel 1972, n’altro colpo de stato el ga portà Mathieu Kérékou al poter. El nome de la naxion el xe stà cambià in tel 1975. Le prime elesioni libare le xe rivà in tel 1991 e Nicéphore Soglo el ga vinto, par perdar de novo contro Kérékou in tel 2001. En tel 2006, Yayi Boni el xe diventà presidente
