Bitlad

«Bitlad» (angl.: «The Beatles» [ðə ˈbiː.tlz], närituznimituz om Liverpulin nellänik, angl. Liverpool Four, i Nell' čomakulud, angl. Fab Four) oli britanine muzikaline rokgrupp Liverpulišpäi. Oli olmas vozil 1960−1970. Edesti pajoid rok- i pop-stiliš anglijan kelel.

Muzikgruppan ühtnijad vn 1964 uhokus (častomaraižen mödhe huras üläčogaspäi): Džon Lennon, Pol Makkartni,
Ringo Starr, Džordž Harrison

Gruppan tähtaz Gollivudan hoštusen allejas.

Grupp om vn 1970 Oskar-kinopremijan laureatan parahimas muzikas fil'man täht.

Mülükund

Päühtnijad

• Džon Lennon (angl. John Lennon) — pään', alaän', gitar, basgitar, fortepjano, koskimsoitod, hul'garmonii, kulundeffektad (1960−1969)
• Pol Makkartni (Paul McCartney) — pään', alaän', gitar, basgitar, fortepjano, bangsoitod, erased il'msoitod (1960−1970)
• Džordž Harrison (George Harrison) — pään', alaän', gitar, basgitar, sitar, perkussii, kulundeffektad (1960−1970)
• Ringo Starr (mugažo anglijaks) — pään', alaän', bangsoitod, perkussijan soitod (1962−1970)

Al'bomad

Kaik om 13 oficiališt studišt al'bomad 211 pajonke:

1. 1963 — Please Please Me (Ole hüvä, ihastoita mindai)
2. 1963 — With The Beatles (Bitloidenke ühtes)
3. 1964 — A Hard Day's Night (Jügedan päivän eht)
4. 1964 — Beatles for Sale (Bitlad möndan varoin)
5. 1965 — Help! (Abutagat!)
6. 1965 — Rubber Soul (Räzinaine soul)
7. 1966 — Revolver (Revol'ver)
8. 1967 — Sgt. Pepper's Lonely Hearts Club Band (Pepper-seržantan üks'jäižiden südäimiden kluban orkestr)
9. 1967 — Magical Mystery Tour (Peitol'ne noidmatk)
10. 1968 — The Beatles (Bitlad, vai «White Album» Vauged al'bom, 2 platad)
11. 1969 — Yellow Submarine (Pakuine VA-laiv)
12. 1969 — Abbey Road (Ebbi-roud)
13. 1970 — Let It Be (Olgha linneb muga)

Irdkosketused

• «Apple»-korporacijan sait muzikgruppas (thebeatles.com). (angl.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.