Gardabair
Lidnanznam![]() | |
Valdkund | Islandii |
Eläjiden lugu (2018) | 15,709 ristitud |
Pind | 74,4 km² |
![]() | |
Pämez' | Gunnar Einarsson |
Telefonkod | +354 |
Aigvö | UTC+0 |
![](https://upload.wikimedia.org/wikipedia/commons/thumb/b/b4/Gar%C3%B0ab%C3%A6r_Loc_SV.svg/250px-Gar%C3%B0ab%C3%A6r_Loc_SV.svg.png)
Gardabair (isl.: Garðabær ['karðaˌpaiːr ̥]) om Islandijan lidn valdkundan suvipäivlaskmas. Se om Reikjavikan ezilidn, valdkundan videnz' lidn eläjiden lugun mödhe, mülüb Pälidnan agjaha (isl.: Höfuðborgarsvæðið).
Istorii
[vajehta | vajehtada lähtetekst]Lidnan territorii om ottud kävutamižhe 9. voz'sadaspäi kahtel maižanduzfermal (isl.: Vífilsstaðir i Skúlastaðir). Eländpunktan aluz om pandud vl 1876 kuti Gardahreppur (isl.: Garðahreppur). Se sai lidnan statusad vl 1976 nügüdläiženke nimenke.
Gardabair šingotase transnacionaližel Marel-kompanijal (vspäi 1977, om olmas 30 valdkundas), tegeb mašiništod i kompjuterprogrammid sömtegimišton täht ümbriradamha lihad da kalad. 380-telestudii om päbazaks LazyTown-teleoigendusiden lapsiden täht. IKEA:n üks'jäine islandine lauk radab lidnas.
Geografijan andmused
[vajehta | vajehtada lähtetekst]Londuseližed kel'dtahod oma lidnan ümbrištos (mäged, jäžomad). Reikjavik-pälidn sijadase pohjoižhe Gardabairaspäi Koupavogür-lidnan kal't.
Islandijan prezidentan Bessastadir-rezidencii (isl.: Bessastaðir, vspäi 1944) om saudud 18. voz'sadal, mülüb Gardabairan lidnankundha vspäi 2013 ühtes enččenke Aul'ftanes-lidnanke (isl.: Álftanes, läz 2,4 tuh. eläjid).
Eläjad da transport
[vajehta | vajehtada lähtetekst]Vl 2014 eläjiden lugu oli 14 180 ristitud. Kaikiš suremb ristitišt om nügüd'.
Seičeme keskškolad om lidnas.
Avtobusad ühtenzoittas lidnad Reikjavikanke.
Irdkosketused
[vajehta | vajehtada lähtetekst]- Lidnankundan oficialine sait (gardabaer.is). (isl.) (angl.)
![]() |
Gardabair Vikiaitas |