Nikolajev (Nikolajevan agj, Ukrain)

Nikolajev
Миколаїв
Lidnanznam;	Flag;
Valdkund	Ukrain
Eläjiden lugu (2021)	476,101 ristitud
Pind	259,8 km²
Pämez'	Oleksandr Senkevič; (kül'mku 2015—,; Олександр Сєнкевич)
Telefonkod	+380−512
Aigvö	tal'vel UTC+2,; kezal UTC+3

Sil sanal voib olda toižid znamoičendoid; miše nähta niid, tulgat tänna.

Nikolajev vai Mikolajiv (ukr.: Миколаїв [mɪkoˈlɑjiu̯], ven.: Никола́ев) om lidn Ukrainan suvipalas, mererandanno. Se om Nikolajevan agjan administrativine keskuz da kaikiš suremb lidn, valdkundan ühesanz' lidn eläjiden lugun mödhe.

Istorii

Eländpunktan aluz om pandud vll 1787−1789 laivansauvomižen keskuseks. Sai lidnan statusad vl 1790. Lidn oli Venäman imperijan Mustmeren laivišton päsijaduseks hätken aigan.

Nikolajev šingotase laivansauvomižel (koume tegint), energetižel mašinansauvomižel (gazturbinad), boksitoiden küllästamižen tegimel, aviakohenduztegimel, sömtegimištol.

Geografijan andmused

Lidn sijadase agjan keskuzpalan päivnouzmas, Ingul-jogensun randal, sen laktendanno Mustmerhe, 53 m ü.m.t. keskmäižel korktusel. Sur' eksportine meriport i koume jogiportad ratas lidnas da läz sidä.

Klimat om ven kuivahk. Voden keskmäine lämuz om +10,8 C°, kezakun-elokun +21,0..+23,8 C°, tal'vkun-uhokun −2,0..+0,1 C°. Ekstremumad oma −29,7 C° (viluku) i +40,1 C° (eloku). Paneb sadegid 396 mm vodes, enamba semendkus-kezakus (47..52 mm kus), toižidme kuidme 26..38 mm. Tal'vel lumikatken korktuz voib sadas koumehe..kahesha santimetrhasai, sid' lumi sulab teravas.

Tobmuz

Nikolajev jagase nelläks rajonaks: Zavodskii, Ingulan, Laivoiden i Keskuzline.

Eläjad

Vl 2011 eläjiden lugu oli 498 748 ristitud, agjan nell' ühesandest. Kaikiš suremb lidnan ristitišt oli 523 800 eläjad vl 1989.

Rahvahad (2017): ukrainalaižed — 84 %, venänikad — 12 %, toižed rahvahad — 4 %.

Kodikel' (2017): ukrainan kel' — 7 %, venän kel' — 63 %, molembad keled — 28 %, toine kel' — 2 %.

Transport

Maršruttaksid, trolleibusad (vspäi 1967, verkon piduz om 59 km), tramvaid (vspäi 1897, 73 km jonoid) i taksid oma kundaližeks transportaks lidnas. Avtobusoiden maršrutad oma sauptud 1990-nziden voziden lopus. Koume meriportad i üks' jogiport ratas, om privatižid valdmoid mugažo.

Rahvahidenkeskeine civiline Nikolajev-lendimport (ukr.: Миколаївський міжнародний аеропорт, NLV / UKON, 22,7 tuh. passažiroid vl 2019) sijadase lidnan lodehes. Tehtas reisid Kijevha i Stambulha, om sezonižid čarterreisid Turkanman i Egiptan lebutahoiže.

Irdkosketused

Lidnan oficialine sait (mkrada.gov.ua). (ukr.) (angl.)

Nikolajev (Nikolajevan agj, Ukrain) Vikiaitas