Parkano
Lidnanznam | |
Valdkund | Suomenma |
Eläjiden lugu (2020-01-01) | 6,400 ristitud |
Pind | 909,67 km² |
Pämez' | Jari Heiniluoma (viluku 2013—) |
Telefonkod | +358- |
Aigvö | tal'vel UTC+2, kezal UTC+3 |
Parkano (mugažo suomen i ročin kelil) om Suomenman lidn da lidnankund valdkundan suvipäivlaskmas. Se om Pirkanma-agjan kaikiš penemb lidnankund kaks'toštkümnespäi eläjiden lugun mödhe.
Istorii
[vajehta | vajehtada lähtetekst]Municipalitetan aluz om pandud vl 1867. «Pori — Haapamäki»-raudtekeskust läbiti sidä i radaškanzi vl 1938. «Tampereh — Seinjogi»-raudtekeskust om saudud vl 1971, sen jäl'ghe Parkano tegihe raudtesol'meks. Kätihe kundad lidnanvuiččeks (suom.: kauppala) vl 1972. Parkano sai lidnan statusad (kaupunki) vl 1977.
Parkano šingotase metallan eksportan kompanijoil («Kopar Oy», «FennoSteel Oy»), mecan ümbriradmižel («Aureskosken Jalostetehdas Oy Tammisto Yhtiöt»), elektromontažan «Sähkösuomilammi Oy»-edheotandal.
Geografijan andmused
[vajehta | vajehtada lähtetekst]Lidn sijadase agjan lodehes, om ümbärtud penil järvil. Znamasine Parkanonjärv zavodiše lidnan suves (suom.: Parkanonjärvi 4,7 km² pindanke, 90 m ü.m.t.). Matkad agjan Tampereh-keskushesai om 69 km suvipäivnouzmha orhal, 86 km avtotel vai raudtel, Hel'sinki-pälidnhasai — 229 km suvipäivnouzmha orhal, 266 km avtotedme vai raudtedme. Toižed lähembaižed lidnad (avtol) oma Kankaanpää (Sadakund) 45 km suvipäivlaskmha i Ikaalinen 36 km suvhe.
Vl 2020 lidnankundan pind — 909,67 km², sidä kesken kuivma 852,93 km², vezi i sokaz tahond ottas 56,74 nellikkilometrad.
Kaik 9 nimitadud da nomeruidud rajonad i 17 küläd mülüdas municipalitetha, 31 valičendtarhad.
Eläjad
[vajehta | vajehtada lähtetekst]Vl 1980 municipalitetan eläjiden lugu oli 8 779 ristitud (kaikiš suremb ristitišt vspäi 1980), vl 2010 — 6 978 ristitud. Kaks' ristitud koumespäi elädas lidnankundan keskuses.
Kodikelen mödhe (2016): suomen kel' — 98,0%, ročin kel' — 0,1%, toižed keled — 1,9%.
Jarkko Malmberg radoi edeližen lidnanpämehen (2006−2012).
Galerei
[vajehta | vajehtada lähtetekst]-
Parkanon jumalanpert'
(om saudud vodele 1800, vn 1899 kellčuhunduz,
vn 2005 nägu) -
Kirkkojärv (0,72 km², 144 m ü.m.t.) lidnan keskuses
-
Lidnan vezičuhunduz
-
Parkanon raudtestancii
vl 2012
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]Parkano Vikiaitas |