550 v.Chr.
Gebeurtenissn
[bewerkn | brontekst bewerken]
- In den yzertyd is zout styf vele weird. 't Is van grôot belang vo 't bewoarn van eetnswoarn en 't wordt ook gebruukt vo 't bewerkn van beêstevelln. Roend da kostboar product is 't er langst de Belgische kust e belangryke commerce oentstoan. De Morienn en de Menoapiërs hen under gespecialiseerd in 't ziêdn van zout. Under groendgebiêd is ryke an lagunes en 't wordt geregeld overstroomd. Ip die drassige vlaktn oentstoan nateurlikke zoutmynn. De zoutoentginnienge wordt gecontroleerd vanof de versterkte vestienge ip de Kemmelberg. Van doaruut is de kustvlakte en 't Vlams binneland goêd t' overziên. Ip de Kemmelberg zyn loater prachtige Grieksche voazn gevoendn die verzekers kostn betoald wordn met under zout.
- De Keltn moaken den oversteek noar Iengeland, woadeure dat de Keltische Hallstatt-cultuur doar ook begunt.
- D' Etruuskn bezettn de Po-vlakte. Langst d' Adriatische Zeê en d' Alpn leggn ze boann an. Azo pakkn z' e deêl van de commerce van Grieknland over.
- De Grieksche kunste komt assan moa meêr oender invloed van d' Egyptische kunste.
- Cyrus II de Grôotn, stichter van 't Perzisch Ryk, versloat Astyages, keunienk van de Meedn, 'n Iranees volk.
|
Ofbeeldiengn die ier by passn ku je vien in de categorie 550 BC van Wikimedia Commons. |