Dwerghertn
Dwerghertn | |||||||||||
---|---|---|---|---|---|---|---|---|---|---|---|
![]() Javoansche kantjil (Tragulus javanicus) | |||||||||||
Taxonomische indêlienge | |||||||||||
| |||||||||||
Familie | |||||||||||
Tragulidae Milne-Edwards, 1864 |
Dwerghertn of dwergmuskusbêestn (Tragulidae) zyn e familie van klêene, eevnhoevige hoefbêestn. De tiën nog bestoande sôortn zyn oenderverdêeld in drie geslachtn en ze zyn te viendn in busschn in Zuudoost-Azië. Êen sôorte, 't woaterdwerghert (Hyemoschus aquaticus), leeft in de reegnbusschn van Centroal-Afrika. Der zyn ook nog sôortn die allêne moa bekend zyn uut fossieln. D' Aziatische dwerghertn wordn ook wel kantjils (Indonesisch: kancil) genoemd.
Dwerghertn leevn solitair of in losse groepn en 't zyn plante-eters. 't Zyn de klêenste hoefbêestn ter weireld. D' Aziatische sôorte weegt tusschn de 0,7 en 8,0 kg. D' Afrikoansche sôorte is grotter en weegt 7-16 kg. Met e gemiddelde lengte van 45 cm en e gemiddelde hoogte van 30 cm is de Javoansche kantjil de klêenste overgebleevn hoefbêeste. Oendanks hunder gebrukelike noame "dwerghertn", zyn ze nie nauwe verwant an echte hertn.
De kantjil komt in vele vertelsels vôorn ip Sumatra, Java, Celebes, Kalimantan, Maleisië en in de Filipynn. In die fabels gerakt de klêene bêeste assan moar in de probleemn, moa je redt hem der ton uut deur zyn slimmigheid. In d' Indonesische bêestefabels speelt de kantjil de rolle van de Middelnederlandsche Reynaert de Vos.
Geslachtn en sôortn
[bewerkn | brontekst bewerken]- Hyemoschus
- Woaterdwerghert (Hyemoschus aquaticus)
- Moschiola
- Indisch gevlekt dwerghert (Moschiola indica)
- Sri Lankoans gevlekt dwerghert (Moschiola meminna)
- Geelgestriept dwerghert (Moschiola kathygre)
- Tragulus
- Javoansche kantjil (Tragulus javanicus)
- Klêene kantjil (Tragulus kanchil)
- Grôte kantjil (Tragulus napu)
- Kantjil van Balabac (Tragulus nigricans)
- Vietnameesche kantjil (Tragulus versicolor)
- Kantjil van Williamson (Tragulus williamsoni)
-
Moschiola indica
-
Tragulus kanchil
-
Tragulus napu
-
Tragulus nigricans
![]() |
Ofbeeldiengn die ier by passn ku je vien in de categorie Tragulidae van Wikimedia Commons. |