Queensland
Queensland is e stoat in 't nôordôost'n van Australië. D'n hoofdstad is Brisbane, geleegn in 't zuudôost'n van de stoat.
-
Woap'nschild -
Vlagge
Queensland wordt begrensd deur 't Nôordelik Territorium in 't west'n, Zuud-Australië in 't zuudwest'n en New South Wales in 't zuud'n. In 't ôost'n wordt Queensland begrensd deur de Koroalzêe, e dêel van de Stiln Oceoan. In 't nôord'n ligt de Stroate van Torres, die 't Australisch vasteland schèidt van Papoea-Nieuw-Guinea. In 't nôordwest'n ligt de Golve van Carpentaria. 't Nôordelikste dêel van de stoat is 't driehoekig schiereiland Koap York.
Queensland besloat 1.730.648 vierkante kilometer. Vanwege zyn uutgestrektheid zyn 't klimoat en de geografische kenmerk'n styf divers, woaroender tropische reegnbusschn, riviern, koroalrifn, bergkeet'ns en zandstrange in de tropische en subtropische kustgebiëd'n, moar ook woestyne en savanne in 't binneland. Der zyn e goeie 5,3 miljoën inweuners, geconcentreerd langst de kust en surtout in Zuudôost-Queensland. Tiëne van de dertig grotste steed'n van Australië zyn te viend'n in Queensland. De grotste steed'n buut'n Brisbane zyn de Gold Coast, de Sunshine Coast, Townsville, Cairns, Ipswich en Toowoomba.
-
Zicht ip Brisbane -
Gold Coast -
Elabana Falls, Lamington National Park -
Great Barrier Reef
|
Ofbeeldiengn die ier by passn ku je vien in de categorie Queensland van Wikimedia Commons. |