Tsjernobyl
![](https://upload.wikimedia.org/wikipedia/commons/thumb/2/27/The_dangerous_view_-_Pripyat_-_Chernobyl.jpg/220px-The_dangerous_view_-_Pripyat_-_Chernobyl.jpg)
Tsjernobyl es ne stad in Oekraïne, die surtout gekend is vo de rampe in de kerncentroale die doa gebeurd is ip 26 april 1986, 't zwoarste accident met kernenergie ôois.
Reactor numero viere es brokkeverschêen in de lucht gevloogn achter een menselyke foute beist da ze testn an 't doen woarn. Achter de rampe ein ol de menschn uit de streke me hêel under ne battaklang 't meugn oftertn omdat ol rap duudlik kwam dat er veeln oardig kwoamn door de grote hoeveelheedn roadioactief ofvol die in de omgevienge wos terechtgekommn. Rusland, indertyd nog de Sovjet-Unie, eit de reste van Europa by den buk gezet omda ze êerst van niet geboarden en moa me moeite durfdigen zeggn dat er 'n twuk styf ergs gebeurd wos in Tsjernobyl. Zelfst de weerman van den BRT, Armand Pien, zeidt êest dat er gin gevoar was.
Kors achter de ontploffienge ein ze de reactor me veel ruze hêel geamballeerd in ne betounge caisse, genoamd de sarcofoag, vo de stroalinge teegn t'houdn. Verre ol de pompiers die doaby gholpen en, zyn kors derachter dôogegoan omda ze zô straf verschoeperd woarn van de stroalinge. In hêel Europa viel 't er kort achter de rampe beist de bizzekes radioactief ofvol nere, woavan de gevolgn tot ip den dag van vandoage nog nie duudlik zyn.
![]() |
Ofbeeldiengn die ier by passn ku je vien in de categorie Chernobyl disaster van Wikimedia Commons. |