Dutcheye di Lussimbork

Discramiaedje des årtikes avou "Lussimbork

diviè 1350

Mape des payis ki vont dner des bokets al Beldjike, e 13inme sieke; li dutcheye di Lussimbork est å dzo, a droete)

Li dutcheye di Lussimbork, c' est ene dutcheye ki s' a diswalpé el Moyinådje, dins l' Sint Impire Romin Djermanike, åtoû del veye di Lussimbork.

Å Levant, on-z î cåzéve li lussimbordjwès. C' est so cist aroyaedje la ki ç' lingaedje la s' a diswalpé. Mins å Coûtchant on djåzéve li walon a Bijhe et l' lorin a Nonne.

Å moumint k' il aléve li pus lon, li Dutcheye di Lussimbork comprindeut :

• li Grande Dutcheye d' asteure.
• li Province do Lussimbork del Beldjike (apus ki l' Dutcheye di Bouyon)
• on boket des Redîmés Payis (a pô près li comene di Sint-Vi)
• li Nôr do dipårtumint francès del Mozale, la k' gn a co tos viyaedjes ki s' lomnut avou l' -ange (sol cotoû di Lonwi eyet Tionveye).
• on grand boket d' l' Almagne, å Levant del Grande Dutcheye d' ouy, åtoû di Bitburg.