Michel Duchatto
Michel Duchatto fourit on scrijheu d' pîces di teyåte e walon del prumire mitan do 20inme sieke.
I skepia a Hesta li 10 di nôvimbe 1897.
Il esteut mimbe del SLLW.
Di s' mestî, il esteut gaztî.
Vicåreye et ouve e walon
[candjî | candjî l’ côde wiki]I cminça tot djonne a scrire dins l' Clabot.
E 1916, i scrît ene rivuwe avou Léon Dighaye (Måle linwe, va). Pu ramexhner des powinmes dizo l' tite «Sol guere».
I djoke di scrire e walon di 1916 a 1927.
Adon, i s' assoçnêye a Théo Beauduin, et i vont scrire eshonne "Tchantchès" (1930), a môde do Cyrano da Jean Rostand. Leus ôtès meyeutès pîces del pwaire fourît "Li dierinne voye" eyet "Deus omes".
Mins Bauduin mourt e 1932. Mitchî Duchatto scrît tot seu ene pîce en èn ake "On clair dimegne", k' a bråmint do succès. Mins après, i va dmorer a Paris, po s' mestî (il est gaztî), et n' sicreye pus e walon.
I rvénrè a Lidje e 1946, et ricmincî a scrire totès sôres di pîces, des creyåcions u des redjårbaedjes. Inte di zeles, li radaptaedje di L' Electre di Sophocle, a pårti del modêye da René Giraudoux (1957).
Sacwants ouves
[candjî | candjî l’ côde wiki]- Måle linwe, va (rivuwe) (1916)
- Sol guere (ramexhnêye d' arimés, 1916)
- On clair dimegne (èn ake, 1932)
- C' est vos (pîce policire e 3 akes, 1937)
- Èn ome al trape (redjårbaedje, ridjouwé e 2015 å Triyanon)