Univiersité d' Lidje
L' Univiersité d' Lidje (e rascourti ULiège), c' est l' seule univiersité d' Estat del Walonreye.
Elle a stî ahivêye do tins do redjime holandès. Les prumîs professeurs estént bråmint des Holandès. Il acsegnént en holandès, po shuve li politike linwistike da Wiyåme 1î.
Après l' revolucion bedje, come di djusse, on-z î a-st acsegnî e francès.
Sol kimince do 20inme sieke, l' ULg drova ene tchaire di diyalectolodjeye walone, et l' ofri a Jean Haust. Après lu, ele rivna a Elisée Legros, Louis Remacle, Jean Lechanteur pus Marie-Guy Boutier. C' est ces profs la k' ont stî les mwaisses bouteus so les ALW.
Diviè 1970, l' Univiersité d' Lidje s' a recråxhî del faculté d' årtisyince, ki dvant, c' esteut li scole veterinaire di Cureguem, a Anderlek.
Bråmint des facultés ont-st ebagué sol campusse do Sårt Tilman dins les anêyes 1970.