maker

Walon (Rifondou)

Etimolodjeye

Bodje « make » (tiesse), avou l’ cawete di codjowaedje « -er » des viebes

Prononçaedje

• AFE :
  • diferins prononçaedjes : /ma.ke/ /ma.kɛ/ /ma.kiː/ (minme prononçaedje cåzu pattavå)
  • prononçaedje zero-cnoxheu : /ma.ke/
• Ricepeures : ma·ker

Viebe

Djin et tins	Codjowa
Cåzant Ind. pr. (dji, dj’)	make
Atôtchî(s) Ind. pr. (vos, vs)	makez
Cåzants Ind. pr. (nos, ns)	macans
Rwaitants Ind. pr., nam. (i/il, ele/elle)	macnut
Cåzant Ind. fut. (dji, dj’)	macrè
Cåzant D.I.E. (dji, dj’)	makéve
Cåzant Suddj. pr. (ki dji, dj’)	make
pårt. erirece (dj’ a, vos av)	maké
Ôtes codjowaedjes	sipepieus tåvlea

maker

1. (viebe å coplemint) bouxhî sol tiesse da (ene djin, ene biesse), et l' assoumer.
   • Dj' a stî maké d' ene setche coxhe k' a toumé djus d' l' åbe ki dj' abateu.
   • Padrî l' ouxh, ses camaerådes si toirdént d' rire e sondjant al tiesse da Houbert ki s' aveut insi fwait maker på coibjhî. — Maurice Georges (fråze rifondowe).
   • Flamind, si t' î rvéns co, dji t' make (B. Mirlon).
2. (viebe å coplemint) bouxhî so (ene djin, ene biesse).
   • Il aveut côpé ene grosse coxhe di côre po sayî del moenner, et il esteut si foû d' lu k' afeye, i lyi åreut bén maké so les rins. — Jean-Pierre Dumont (fråze rifondowe).
3. (viebe å coplemint) touwer.
   • Li vexhåd ki vneut a nos poyes a stî maké. — Motî Alphonse Massaux (fråze rifondowe).
4. (viebe å coplemint) (imådjreçmint) sibarer pår pa des laidès paroles.
   • Come si dj' n' aveu nén co stî makêye assez, i m' a co pus esbarloufé cwand i m' a tapé å vizaedje k' il esteut vef (G. Belleflamme).
5. (viebe å coplemint) (imådjreçmint) assoumer, tot cåzant do solea, d' ene drouke, evnd.
   • On lyi a dné on medicamint pol maker.
   • Vo l' la å dewôr; i tådje; maké pal tcholeur; stofant, k' i fwait. — Jean-François Brackman (fråze rifondowe).
6. (imådjreçmint) fé ene make avou (do prin laecea, metans, ki dvént del makêye).
   • Dji va maker tote li modêye d' å matén.
7. (v. sins coplemint) lure foirt, tot djåzant do solea.
   • Li solea make.
8. (v. sins coplemint) estourdi (ene djin), tot djåzant del tcholeur, d' ene drouke, d' ene abwesson.
   • Deus trapisses ene après l' ôte, ça make.

Parintaedje

• maké, Makés, makêye, macant
• amaker, amacaedje, amacant
• rimaker
• Loukîz a : « make »

Mots d’ aplacaedje

• maker djus

Sinonimeye

• (bouxhî sol tiesse di) : tchoker, acsegnî, peter, pokî
• (bouxhî foirt so) : ridoguer
• (bouxhî po touwer) : peter djus
• (sibarer) : estoumaker, amaker, tchoker
• (lure foirt, pol solea) : taper

Ortografeyes

Divant 1900 :

• maker : C9a ^(lére)

Après 1900, foû rfondou (Feller, Feller ricandjî, nén Feller) :

• maker : C99, E1, S0, S117
• makè : C8
• maquer : E165, S44

E rfondou walon :

• maker : R9 ^(lére), R10 ^(lére), R13

Ratournaedjes

bouxhî sol tiesse di

• Almand : erschlagen ^(de)
• Francès : assomer ^(fr), sonner ^(fr), étourdir ^(fr)

bouxhî foirt so

• Francès : frapper ^(fr), asséner ^(fr) un coup violent à

sbarer pår pa des paroles

• Francès : choquer ^(fr), scandaliser ^(fr), offusquer ^(fr)

Inglès

Sustantif

singulî	pluriyal
maker	makers

maker

1. fijheu, fabricant, produjheu.

Mots d’ aplacaedje

• shoemaker
• market maker

Neyerlandès

Etimolodjeye

Do viebe « maken » (fé) avou l’ cawete « -er »

Sustantif

singulî	pluriyal
maker	makers

maker

1. fijheu, fabricant, produjheu.

Mots d’ aplacaedje

• schoenmaker