Guido Marini
| Monsenyor Guido Marini | |
|---|---|
| Maestro hin mga Pagsaurog nga Liturhika Pontifisyo | |
 | |
| Ginbutang ha puwesto | 1 Oktubre 2007 |
| Nag-una | Piero Marini |
| Mga Orden | |
| Gin-ordinar |
4 Pebrero 1989 ni Giovanni Canestri |
| Personal nga mga detalye | |
| Natawo | 31 Enero 1965 |
| Pagkanasodhanon | Italyano (Genovahanon) |
| Denominasyon | Katoliko Romano |
| Alma mater | |
Hi Monsenyor Guido Marini (natawo 31 Enero 1965) usa nga Katoliko Romano nga padì, nga yana nag-aalagad nga Maestro hin mga Pagsaurog nga Liturhika Pontifisyo. Ginbutang hiya hini nga paglingkod dida han 1 Oktubre 2007, ha pagsaliwan kan Piero Marini (dirì urúpod). Nag-alagad anay hiya nga mangulo nga liturhista han Arkidiosesis han Genova.[1]
Pagin-padì
[igliwat | Igliwat an wikitext]Gin-ordenar hi Marini komo padì dida han 4 Pebrero 1989 ni Kardinal Giovanni Canestri. Nakatapos hiya hin BA hin sikolohiya hin komunikasyon han syahan nga bahin han 2007 tikang han Universidad Pontificia Salesiana dugang hin una pa nga JUD, usa nga grado hin balaod pansingbahan ngan pan-sibil, tikang han Pontificia Universidad Lateranense
Tikang han 1988 kutob 2003 nagsirbe hiya nga maghirilom han mga kardinal nga arsobispo han Genova nga hira Canestri (kutob 1995), Tettamanzi (tubtub 2002) ngan Bertone.[2]
Tikang han 1996 kutob 2001 nagsirbe hiya dida han konseho han mga presbitero. Ginhimo hiya nga kansilyer han diosesis han 2005. Han 2004 ginhimo hiya nga ispiritwal nga direktor han Seminaryo ha Genova.
Dida hin usa nga pamahayag nga ginhatag han Enero 2010 hi Marini inmugop hin mga hangyo ha sakob han singbahan para hin "reporma han reporma" hin liturhiya. Siring diya han iya paghimangraw, "Hin pira na ka tuig yana, pipira nga mga tingog nabatian ha sakob hin mga grupo-grupo han singbahan nga nagyiyinakan han panginahanglanon hin bag-o nga pagbag-o ha liturhiya," ngan nagdugáng pa nga in bag-o nga kagi-osan hin pagbag-o "makakahimo hin pagbuhat hin reporma han reporma, o kun ha lain nga sumat, pagkiwa hin usa pa nga pitad ha pag-abante hin pagkasarabot han tinuod nga kalag han liturhiya ngan han pagsaorog hini," siring niya.[3]
Konklave papal han 2013
[igliwat | Igliwat an wikitext]Komo Maestro hin mga Seremonya, hi Marini, samtang diri kardinal-nga-napili, mayda mga buruhatón dida han 2013 nga sede vacante ngan dida han 2013 nga konklave nga nagpilì kan Papa Francisco. Han Marso 11, an ádlaw ugsa han konklave, dida hin seremonya nga ginpamunoan han Kamerlengo nga hi Tarcisio Bertone, hi Marini ngáhaw an namuno han mga diri-kardinal nga mga opisyal, mga kabulig nga iba pa nga mga diri-elektor nga mga tawohan nga mayda mga buruhaton dida han konklave hin paghurar hin hurado nga diri magsumat o maghilom hin mga butáng nga nahahanungod han konklave.[4][5][6][7] Han syahan nga adlaw han konklave ngahaw, katapos han paghurar han mga kardinal-nga-napili han huramento han mga napili dida han Capilya Sixtina, hi Marini an nagyakan han tugon nga "Extra omnes" (Gawas ngatanan) ngan nagsara han mga ganghaan han kapilya katapos pangiwas tikang ha kapilya han mga taga-gawas.[8]
Mga sinurat
[igliwat | Igliwat an wikitext]- Liturgical Reflections of a Papal Master of Ceremonies, 2011
Mga kasarigan
[igliwat | Igliwat an wikitext]- ↑ "News Features - Catholic Culture". Cwnews.com. 2007-10-01. Ginkuhà 2013-03-07.
- ↑ Press Office of the Holy See[dead link]
- ↑ "CNS STORY: Papal liturgist endorses 'reform of the reform' of the liturgy". Catholicnews.com. Ginhipos tikang han orihinal han 2012-09-21. Ginkuhà 2013-03-07.
- ↑ "Normas Nonnullas No. 46-48 English text". Vatican.va. Ginkuhà 2 Pebrero 2014.
- ↑ Non-voting participants in conclave take oath of secrecy (Television production) (ha Initalyano nga Ininggles). Roma: Rome Reports. 12 Marso 2013. Ginkuhà 2 Pebrero 2014.CS1 maint: unrecognized language (link)
- ↑ Conclave oath of secrecy (Television production) (ha Initalyano). Roma: Catholic News Service. 11 Marso 2013. Ginkuhà 2 Pebrero 2014.CS1 maint: unrecognized language (link)
- ↑ "Notificazione Giuramento degli Officiali e addetti al Conclave (Paghurar han mga Opisyal nga mga Empleado ha Konklave)" (ha Initalyano). Vatican.va. Ginkuhà 2 Pebrero 2014.CS1 maint: unrecognized language (link)
- ↑ Procession and entrance in Conclave (Television production) (ha Italian). Roma: Centro Televisivo Vaticano. 12 Marso 2013. Ginkuhà 9 Abril 2013.
| Mga titulo ha Singbahan Katolika | ||
|---|---|---|
| Gin-unahan ni Piero Marini |
Maestro hin mga Pagsaurog nga Liturhika Pontifisyo 1 Oktubre 2007 - yanâ |
Yanâ nga nálíngkod |
| ||
| Mga Panhinabo |  | |
| Mga Ensiklika |
| |
| Mga Pag-aghat |
| |
| Mga nahahanungod nga mga libro | ||
| Mga nahahanungod nga mga tawo |
| |
| Mga nahahanungod nga mga barasahon |
| |
Authority control  |
|
|---|
- All articles with dead external links
- Articles with dead external links from December 2020
- Articles with invalid date parameter in template
- CS1 maint: unrecognized language
- CS1 Italian-language sources (it)
- Wikipedia articles with VIAF identifiers
- Pages with red-linked authority control categories
- Wikipedia articles with WorldCat-VIAF identifiers
- Pages using authority control with parameters
- Mga buhi nga tawo
- Mga natawo han 1965
- Mga Italyano nga padì
- Liturhista
- Papa Benedicto XVI
- Mga alumni han Pontificia Universidad Lateranense
- Mga Katoliko Romano ha ika-20 nga gatostuig
- Mga Katoliko Romano ha ika-21 nga gatostuig
- Relihiyon