ТОДОР ПЕТРОВ МУ ВОЗВРАЌА СО ИСТА МЕРА НА БУГАРСКИОТ ЕВРОПРАТЕНИК
Во Бугарија има се, само Бугари не!
Петров вели дека Бугарија е исто што и поранешна Југославија. Ако ја разложите на Македонија, Мизија и Тракија, "њама Б'лгарија, од Бугарија ништо не останува!" Претседателот на СМК смета дека всушност, проблем за Софија не се Македонците, туку ако продолжат процесите на емиграција и депопулација, Ромите и Турците стануваат мнозинство и затоа на Софија и се потребни Македонците и Македонија, да го одржат етничкиот баланс во просторот и времето
 Во Бугарија има се, само Бугари не! Во Бугарија нема македонско малцинство, затоа што Македонците се мнозинство! Во Бугарија само Ѓупците и Турците не се Македонци! Не е прашањето дали Македонците во Македонија се Бугари, туку има ли Бугари во Бугарија без македонски корени, вели претседателот на Светскиот македонски конгрес, Тодор Петров, реплицирајќи му на бугарскиот европратеник Андреј Ковачев кој изјави дека во Бугарија нема ниту македонско, ниту какво било друго малцинство. Со иста реторика, Петров вели дека Бугарија е исто што и поранешна Југославија. Ако ја разложите на Македонија, Мизија и Тракија, "њама Б'лгарија, од Бугарија ништо не останува!" Претседателот на СМК смета дека всушност, проблем за Софија не се Македонците, туку ако продолжат процесите на емиграција и депопулација, Ромите и Турците стануваат мнозинство и затоа на Софија и се потребни Македонците и Македонија, да го одржат етничкиот баланс во просторот и времето. Тодор Петров предупредува и дека со приклучувањето на Бугарија во ЕУ, од неа се иселени околу два милиони претежно млади и образовани, а епилогот е катастрофално брзото стареење на нацијата.
- И не случајно Македонија е најголемата романса за Бугарија. Културата и историјата на Македонците е инкорпорирана како државна култура и историја на Бугарија и затоа се е исто. Славиме исти датуми, настани и личности, само зависи кој од која страна на границата е, за да каже мои се. А, во основа никој од никого ништо не краде, затоа што основата на Бугарија е Македонија! Ако Татарите се протобугари, а во Бугарија денес имаат статус на малцинство, што се мнозинството? Зошто Светскиот бугарски конгрес нема седиште во Софија, туку во главниот град на Татарстан - Казан? Зошто Тодор Живков своевремено на Стане Доланц му реплицирал "Како да го поставам македонското прашање во Бугарија, кога мнозинството од членовите на Политбирото на Централниот комитет на Бугарската комунистичка партија се Македонци?" Зошто Георги Димитров му предлагал на Тито обединување на Пиринска со Вардарска Македонија, обединување на македонскиот народ од двете страни на границата? Зошто корените на современите Бугари како политичка нација им ги врзуваат за Кина и Монголија, а упорно бегаат од генезата на Македонија, Империја се до Индија? Впрочем и таму има историска школа, која ги кине заблудите за врските со Далечниот Исток и современата бугарска историја ја врзува за старата, една и единствена Македонија, вели Петров во дописот до медиумите.
Тодор Петров тврди дека квазиисторијата на платениците и (нео)врховистите кои ги има и кај нас и агитираат за Македонците како Бугари, е трајно минато свршено време. А ние треба да ги разбереме и да им помогнеме на луѓето од другата страна на границата, затоа што се наши - други на овие простори создавале држави, цртале граници и пишувале истории за овие територии како нивни колонии, не носеле нови народи, туку историјата и културата на поделените Македонци ја инкорпорирале како државна во државите на овие простори.
- И затоа се е исто! Од сите страни на границите, бидејќи основата на "Балканите" е Македонија! Не живееме на Балканскиот, туку сите заедно на Македонскиот Полуостров. Кога и да е, таа вистина 'рти и никне. Како Феникс од пепелта Македонија повторно е тука! Аладин од волшебната ламба е надвор и никој не го враќа назад во затвореното шише. Еееј, Македонија повторно е држава! Да, Македонија е држава и тоа повеќе никој и никогаш не може да го смени! Историјата на Македонија повеќе не се пишува во Софија, туку во Македонија, ја пишуваат Македонци и на македонски јазик! Амин!, завршува претседателот на СМК, Тодор Петров.
|
|
Статијата е прочитана 6699 пати. #
|
|
|
|
|
|
|
 |  | | Тренинг пред натпреварот со Хрватска |
| |
|  | | Комити и Чкембари во старо издание |
| |
|
|
