ایسرائیلین غزه زولاغینا هوجوملاریندا اؤلو سایی
ایسرائیلین غزه زولاغینا ائتدیگی هوجوملاردا 15 مین 103 اوشاق شهید اولوب
ایسرائیل اوردوسونون 2023-جو ایل اوکتبرین 7-دن اعتباراً غزه زولاغینا تشکیل ائتدیگی هوجوملار نتیجهسینده اؤلنلرین سایی سون 24 ساعاتدا 34 آرتاراق 35 مین 272 نفره یوکسلیب.
غزهدهکی فیلیسطین ساغلیق ناظیرلیگیندن وئریلن آچیقلامادا ایسرائیلین غزه زولاغینا 223 گوندور تشکیل ائتدیگی هوجوملار ایله باغلی معلومات وئریلیب.
آچیقلامادا ایسرائیل گوجلرینین سون 24 ساعاتدا غزه زولاغیندا حیاتا کئچیردیگی هوجوملاردا 4 قتلعام گئرچکلشدیردیگی و نتیجهسینده 39 فیلیسطینلینین داها اؤلدویو، 64 فیلیسطینلینین ایسه یارالاندیغی بیلدیریلیب.
ایسرائیلین اوکتبرین 7-دن اعتباراً غزه زولاغینا تشکیل ائتدیگی هوجوملاردا اؤلنلرین سایینین 35 مین 272 نفره، یارالیلارین سایینین ایسه 79 مین 205 نفره یوکسلدیگی قئید ائدیلیب.
آچیقلامادا داغینتیلار آلتیندا و یول کناریندا هله ده اؤلولرین اولدوغو، لاکین ایسراییل عسگرلرینین مانعهسی سببیندن طبی قروپلارین و سیویل ساوونما ایشچیلرینین جسدلرین اولدوغو بؤلگهیه داخیل اولا بیلمهدیگی وورغولانیب.
فیلیسطین قیزیل آیپارا جمعیتی ایکس حسابیندا ائتدیگی یازیلی آچیقلامادا، ایسرائیل اوردوسونون 7 آیدان چوخدور هاوادان، دنیزدن و قورودان هوجوملار تشکیل ائتدیگی غزه زولاغیندا حیاتینی ایتیرن اوشاقلارین سایینا دقت چکیب.
آچیقلامادا، "ایسرائیلین غزه زولاغینا ائتدیگی هوجوملاردا 15 مین 103 اوشاق شهید اولوب." ایفادهلریندن استفاده ائدیلمیشدیر.