آذربایجان ایله ارمنیستان پروتوکول ایمضالادی
آذربایجان و ارمنیستان، سرحد خطینین سووئتلر بیرلیگی باش قرارگاه باشقانلیغینین ۱۹۷۶ تاریخلی توپوگرافیک خریطهسینه اویغون شکیلده تعیین اولونماسی قونوسوندا پروتوکول ایمضالادی
آذربایجان و ارمنیستان، قازاخ ائلی ایستیقامتیندهکی سرحد خطینین سووئتلر بیرلیگی باش قرارگاه باشقانلیغینین ۱۹۷۶ تاریخلی توپوگرافیک خریطهسینه اویغون شکیلده تعیین اولونماسی قونوسوندا پروتوکول ایمضالادی.
آذربایجان باشباخان کؤمکچیسی شاهین مصطفییئو ایله ارمنیستان باشباخان کؤمکچیسی مهئر گریگوریان باشقانلیغینداکی سرحد تعیین ائتمه کمیسیونلارینین ۹.جو ییغینجاغی، ایکی اؤلکه سرحدینده ائدیلدی.
آذربایجان طرفیندن وئریلهن یازیلی آچیقلامایا گؤره طرفلر، قازاخ بؤلگهسیندهکی سرحد خطینین مختصاتینین تعیین اولونماسی خصوصونو دانیشدی.
طرفلر، ارمنیستانین قایتاراجاغی آذربایجانا عاید ۴ کندله ارمنیستان کندلری آراسینداکی سرحد خطینین مختصاتینین سووئتلر بیرلیگی باش قرارگاه باشقانلیغینین ۱۹۷۶ تاریخلی توپوگرافیک خریطهسینه اویغون تعیین اولونماسی قونوسوندا آنلاشاراق، پروتوکول ایمضالادی.
کومیسونلارین بیر اؤنجهکی ییغینجاغیندا ارمنیستان، ۱.جی قاراباغ ساواشیندا (۲۰۱۶) ایشغال ائتدیگی باغانیس آیریم، آشاغی اسکیپارا، هیریملی و قیزیلحاجیلی کندلرینی آذربایجانا قایتارماغی قبول ائتمیشدی.
ایکی اؤلکهنین متخصص قروپلاری سرحدده ژئودزیک اؤلچوملره باشلامیش و آذربایجان ایله ارمنیستان سرحدینده ایلک دفعه سرحد داشی یئرلشدیریلمیشدی.