اردوغان: قارادنیز گیریشیمی اولماسایدی چوخ یئرده قیتلیق اولاردی
"ایقلیم دییشیکلیگینین منفی تاثیرلری ایله بیرلیکده سو قایناقلاری و حؤوضهلری بیر چاتیشما خطینه چئوریلیر"
جمهورباشقانی رجب طیب اردوغان،
"قارادنیز گیریشیمی اولماسایدی باشدا آفریقا اؤلکهلری اولماق اوزره بیر چوخ یئرده قیتلیق یاشاناجاق ایدی" دئدی.
جمهورباشقانی، ایستانبولدا "داوام ائتدیریلهبیلیر اکینچیلیک و اکینچیلیکده برندلشمه" قونوسویلا تشکیل ائدیلهن اکینچیلیک بانکی اکینچیلیک اکوسیستمی بولوشماسیندا دانیشدی.
اردوغان،
"ایقلیم دییشیکلیگینین منفی تاثیرلری ایله بیرلیکده سو قایناقلاری و حؤوضهلری بیر چاتیشما خطینه چئوریلیر. آسیا، آمریکا، قوزئی آفریقکا و اورتا دوغوداکی بیر چوخ گرگینلیگین آلتیندا سو قایناقلارییلا باغلی آنلاشمازلیقلار یاتیر. کووید-۱۹ اپیدمیسی و روسیا-اوکراینا ساواشیندا بوتون اؤلکهلرین غذا عرضه گوونلیگینین تامینی اوچون نئجه وار گوجو ایله موباریزهلر وئردیگینی اونوتمادیق.
تورکیهنین چابالارییلا حیاتا گئچیریلهن قارادنیز گیریشیمی اولماسایدی باشدا آفریقا اؤلکهلری اولماق اوزره بیر چوخ یئرده قیتلیق یاشاناجاق ایدی. آجلیق تهدیدی ایله قارشی قارشییا قالان اون مینلرجه اینسان حیاتینی ایتیرهجک ایدی. بیز بونا قیدسیز قالابیلمزدیک و حمد اولسون قالمادیق. توپلام ۳۳ میلیون تون تاخیلین بوغازلاریمیزدان گوونلی گئچیشینی تامین ائدرک وضعیتین یاخشیجا کنترلدان چیخماسینا مانع اولدوق" دئیه دانیشدی.
ایلگیلیلی خبرلر
جمهور باشقانی اردوغان کوزوو باش ناظیری ایله گوروشوب
جمهور باشقانی رجب طیب اردوغان پایتاخت آنکارادا تماسلارینی داوام ائتدیریر.