ფრიც ალბერტ ლიპმანი
ფრიც ალბერტ ლიპმანი | |
ინგლ. Fritz Albert Lipmann | |
![]() | |
დაბადებაშ თარიღი: | |
---|---|
დაბადებაშ აბანი: |
კენიგსბერგი, გერმანიაშ იმპერია (ასეიან კალინინგრადი, რუსეთი) |
ღურაშ თარიღი: |
კვირკვე 24, 1986 (87 წანერი) |
ღურაშ აბანი: | |
მენოღალობა: | |
ომენცარე სფერო: | |
სამუშაშ აბანი : | |
ალმა-მატერი: |
კენიგსბერგიშ უნივერსიტეტი |
ჯილდოეფი დო პრემიეფი: |
ნობელიშ პრემია ფიზიოლოგიას დო მედიცინას (1953) |
ფრიც ალბერტ ლიპმანი (ინგლ. Fritz Albert Lipmann; დ. 12 მანგი, 1899, კენიგსბერგი, გერმანიაშ იმპერია, ასეიან კალინინგრადი, რუსეთი — ღ. 24 კვირკვე, 1986, პოკიპსი, ნიუ-იორკიშ შტატი, ააშ) — გერმანალი-ამერიკალი ბიოქიმიკოსი. ძირუ დო დიგურუ კოფერმენტი A 1945 წანას. 1953 წანას გინოჩეს ნობელიშ პრემია ფიზიოლოგიაშ დო მედიცინაშ დარგის (ჰანს ადოლფ კრებსიწკჷმა ართო).
ბიოგრაფია
ფრიც ალბერტ ლიპმანქ დებადჷ 1899 წანას, კენიგსბერგის, გერმანიას, გერმანალი ურიეფიშ ფანიას. ლიპმანი გურაფულენდჷ კენიგსბერგიშ, ბერლინიშ დო მიუნხენიშ უნივერსიტეტეფს. გურაფაშ თებაშ უკულ კენიგსბერგიშა დირთჷ დო მუშენდჷ კაიზერ ვილჰელმიშ ბიოლოგიაშ ინსტიტუტის. 1939 წანაშე ლიპმანი ამერიკას მუშენდჷ დიო კორნელიშ უნივერსიტეტიშ მედიცინაშ კოლეჯის, ნიუ-იორკის, უკულ მასაჩუსეტსიშ ჰოსპიტალს, ბოსტონს. 1949-1957 წანეფს ლიპმანი რდჷ ჰარვარდიშ მედიცინაშ კოლეჯიშ ბიოქიმიაშ პროფესორი. 1957 წანაშე ლიპმანი რდჷ როკფელერიშ უნივერსიტეტიშ პროფესორი. 1953 წანას, ლიპმანს გინოჩეს ნობელიშ პრემია ფიზიოლოგიაშ დო მედიცინაშ დარგის, კოფერმენტი Aშ ძირაფაშ დო თიშ სტრუქტურაშ დოგურაფაშ გეშა. ლიპმანქ ძირუ კოფერმენტი A-შ ართ-ართ ვარიანტი ხოლო, ნამუსით ამდღა პანტეტინს უძახუნა. ლიპმანი რდჷ ლონდონიშ ომაფე საზოგადოებაშ მაკათური. 1966 წანას ლიპმანს გინოჩეს მენცარობაშ ერუანული მენდალი.
პეჯური რინა
ფრიც ალბერტ ლიპმანიშ ჩილი რდჷ ელფრედა ჰოლი. ჸუნდეს ართ სკუა. ლიპმანქ დოღურჷ 1986 წანაშ 24 კვირკვეს, ნიუ-იორკის. ელფრედა ჰოლიქ დოღურჷ 2008 წანას, 101 წანაშ ხანს.
ლიტერატურა
- Fritz Lipmann: Wanderings of a Biochemist. Wiley-Interscience, New York 1971, ISBN 0-471-54080-3
- Horst Kleinkauf, Hans von Döhren, Lothar Jaenicke: The Roots of Modern Biochemistry: Fritz Lipmann’s Squiggle and Its Consequences. Walter De Gruyter, Berlin 1988, ISBN 0-89925-489-6
რესურსეფი ინტერნეტის
![](https://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- ხასჷლეფი, ნამუეფჷთ გჷმირინუანა დუბლიკატ არგუმენტეფს თანგეფიშ გიშაძახებაშო
- დუნაბადი 1899
- დუნაბადი 12 მანგი
- ნაღურა 1986
- ნაღურა 24 კვირკვე
- ღურელი კათა
- გერმანალი ამერიკალეფი
- ნობელიშ პრემიაშ ლაურეატეფი
- ამერიკალი ნობელიშ პრემიაშ ლაურეატეფი
- ნობელიშ პრემიაშ ლაურეატეფი ფიზიოლოგიას დო მედიცინას
- ხასჷლეფი, ნამუეფჷთ გჷმირინუანა ISBN magic რსხილეფს