בורשטין (הויף)
בורשטין איז דער נאמען פון א חסידישער הויף אין אמעריקע הויפטקווארטירט אין בארא פארק, ניו יארק, געגרינדעט דורך רבי זיידא אייכנשטיין, פאדהייץ-בורשטינער רבי, אויפן נאמען פון דעם אסט-גאליציאנער שטעטל בורשטין, אוקראינע. דאס בורשטינער חסידות איז א צווייג פון זידיטשוב.
רבי זיידא האט אימיגרירט קיין אמעריקע כדי אויפצונעמען א רבנות שטעלע אין האוואנע. אבער די ארטיגע יידן זענען נישט געווען קיין חרדים און דערפאר האט ער זיך געצויגן אין ניו יארק, וואו ער האט אויפגעענפנט דעם בורשטינער בית מדרש. זיין משפחה זענען אומגעקומען ביי דער חורבן אייראפע. נאך דער מלחמה האט ער חתונה געהאט בזיווג שני, און געהאט נאך צוויי זין. זיין ביאגראפיע איז געדריקט אין דעם ספר "צדיק מה פעל", ניו יארק תש"ס.
זיין עלצטער זון רבי יצחק אייזיק מנחם דינט ווי אדמו"ר פון גאלאנטא אין וויליאמסבורג. ער איז אן איידעם ביי הרב שמואל בוקסבוים, זון פון רבי יהושע בוקסבוים; זיין שווער האט אים געבעטן אויפנעמען די רביסטעווע מיטן נאמען גאלאנטא נאך זיין פאטער, דער גאלאנטער רב הי"ד.
זיין צווייטער זון, רבי דוד איז זיין ממלא מקום און דער היינטיגער בורשטינער רבי. ער איז אן איידעם ביי רבי משה אליקים בריעה כהנא פון ספינקא בני ברק.
אין יאר ה'תרי"א כ"ז שבט איז די יארצייט פון רבי מרדכי זיסקינד ב"ר יהודה לייבוש לאנדא רב פון בורשטין.
| חסידישע הויפן | ||
|---|---|---|
| אוקראינע: | ||
| פוילן: | ||
| מזרח-גאליציע: | ||
| מערב-גאליציע: | ||
| וואלין: | ||
| ליטע/רייסן: | ||
| רומעניע: | ||
| אונגארן: | ||
| אמעריקע: | ||
| ירושלים: | ||
| אנדערע: | ||