Châi-chèng

Châi-chèng (財政ざいせい) sī chèng-hú ê siu-ji̍p kap chi-chhut, sī chèng-hú si̍t-hiān keng-chè chèng-chhek ê bo̍k-piau kap thê-kiong kong-kiōng sán-phín kap ho̍k-bū ê chú-iàu tô͘-kèng. Chia-ê chèng-hú ē-ēng sī tāi-piáu chi̍t-ê kok-ka ê tiong-iong chèng-hú he̍k-chiá sī tē-hng chèng-hú. Kok-ka ia̍h-sī tē-khu ta̍k-nî ê châi-chèng chi-chhut ū-soàn, ē-sái thé-hiān chi̍t-ê kok-ka ia̍h-sī tē-khu bī-lâi chi̍t-toāⁿ sî-kan ê tiōng-tiám hoat-tián hong-hiòng. Tû-liáu châi-chèng, chèng-hú si̍t-hiān keng-chè chèng-chhek bo̍k-piau ê kî-thaⁿ hong-sek iáu-ū kim-iông chèng-chhek, bō͘-e̍k chèng-chhek kap hoat-lu̍t téng-téng.