李承乾喺承乾殿出世,所以叫承乾[3]。武德三年六月,俾阿爺李淵封做恒山郡王。武德五年八月,改做中山郡王。李世民登基之後封做皇太子,佢嗰時八歲,聰明得意。但係大個之後,因為有腳病,有少少跛,唔尊重老豆同師長,甚至派殺手殺死自己嘅老師。
後來五弟齊王李祐謀反俾人揭發,點知一環接一環,李承乾同七叔漢王李元昌等人嘅謀反案都揭發到出來,貞觀十八年四月六號,李承乾俾李世民廢咗皇儲個位,罰充軍去黔州,參與政變嘅趙節、杜荷、侯君集都處死。貞觀十九年,李承乾死,李世民送佢最後一程,罷朝。之後,因為長孫無忌強力支持,李承乾個細佬李治做咗太子,就係日後嘅唐高宗。
後來,渭源縣公李適之喺唐玄宗在位期間出任宰相後,提出老豆、阿爺葬禮有缺失,上疏請求將佢哋歸葬昭陵。於是李承乾被追贈為恆山王,賜謚號為「愍」,史稱「恆山愍王」。
- 老婆蘇氏,係蘇威太孫女
- 妾侍王氏,冇咩關於佢嘅資料
- 良娣張氏,相傳有呢個人,但係冇咩關於佢嘅資料
- 男寵稱心,同李承乾係同性戀關係,後嚟畀唐太宗處死
- 大仔李象,阿媽係蘇氏,封號郇國公,李適之係佢第四個仔
- 二仔李氏,相傳阿媽係良娣張氏,不過後嚟夭折
- 三仔李厥,阿媽係妾侍王氏
- 細仔李醫,相傳阿媽係良娣張氏,但係冇咩關於佢嘅資料
- ↑ 李承乾有一個男寵叫做稱心,係龍陽之癖嘅典型例子
- ↑ 資治通鑑,第一百九十六卷
- ↑ 《舊唐書·卷76》恆山王承乾,太宗長子也,生於承乾殿,因以名焉。