東亞(粵拼:dung1 aa3),亦叫遠東,係亞洲東部,呢笪地嘅範圍,眾說紛紜,地理同埋文化,都有唔同定義。地理上,東亞有一千二百萬平方公里大,約莫佔亞洲兩成八左右,大歐洲一成半。東亞住大概十五億人,佔亞洲四成,全世界四分之一,係歐洲人口嘅兩倍。東亞係全世界最熱鬧嘅地方,人口密度有每平方公里一百卅人,係全球平均嘅三倍。
以文化而言,東亞係指啲長期受中華文化影響嘅地方,呢類文化特徵出現嘅地方同以上所講嘅地理東亞差唔多:
東亞舊時叫遠東。遠東呢個名,係以歐洲為中心而改,無表達到東亞一帶喺亞洲嘅位置。而聯合國所用嘅「東亞」一詞通常係話緊東北亞。
包括東北亞、東南亞同埋西伯利亞東部嘅所有國家同地區。以下嘅政治體系通常都算係地理東亞嘅一部分:
下面嘅人同社會一般算入東亞文化:
由於唔同人對於東亞呢個地方嘅定義唔同,有啲地方多數時候算係東亞嘅一部分,有啲地方就少啲。以下嘅地方,就係屬於呢一類,喺下面用算係東亞一部分嘅情況多至少嚟排列:
有啲時候,東亞會畀人專登用來代表埋東南亞,尤其係同西亞作比較嘅時候。西亞另一方面就通常包括中亞同西南亞。