黃安政治立場親中共,自封「臺獨剋星」,近年更加針對政見唔同嘅臺灣同香港藝人,向大陸當局「舉報」佢哋,令佢哋畀大陸當局「封殺」。
單係2016年1月頭,黃安就已經有兩單「舉報」:
- 「舉報」南韓組合TWICE嘅臺灣成員周子瑜喺南韓節目展示中華民國旗,誣衊佢係「臺獨分子」,令安徽衛視春晚節目封殺咗TWICE,最後逼到周子瑜喊曬口公開鞠躬道歉,講明「中國只有一個」,而Twice官網上面,周子瑜嘅出世地方亦由英文「Taiwan」改做簡體字嘅「中国台湾」。
- 「舉報」香港藝人王喜喺facebook「褻瀆周恩來」,令佢喺中國中央電視台節目《了不起的挑戰》全程被打格仔。
有人批評佢實際係兩面手法,以往響節目上揮舞中華民國旗、高唱「復我河山、救我同胞」嘅愛國歌,甚至揶揄大陸女性「我拿青春賭明天、不給小費算強姦」價值觀偏差嘅順口溜,打面佢「一邊罵台獨,一邊損大陸」。更有網友質疑,黃安瘋狂舉報台獨藝人,其實只係為咗掩護佢響節目上違規推銷可疑保健品。有人甚至話佢做綠營臥底。
引伸關於台灣保健制度嘅討論
編輯
雖然黃安經常歌頌中共政權,但係佢每次有病嘅時候都返去台灣使用保健睇病,令唔少台灣人不滿,亦引起咗台灣國內對於長期旅外國人享有台灣健保資源議題嘅關注。去到2020年11月,台灣健保署就計劃修改法例,將針對旅外國人停復保嘅制度進行修正,結果黃安相當不滿,喺微博發文重砲抨擊民進黨政府[1]。