出自維基百科，自由嘅百科全書
三T係香港賽馬一個特別彩池，喺1995年1月推出。由香港賽馬會接受投注，好多香港人都知佢有巨額彩金。
香港賽馬會喺每個賽馬日指定3場賽事接受三T投注，而家通常係第四、第五同第六場。馬迷如果揀中全部三關頭三名馬（唔使順序），就可以攞到巨額彩金，就算只係揀中頭兩關的頭三名馬（唔使順序），都有得攞安慰獎。三T每注最低投注金額係20蚊港紙，如果同一張彩票值超過100蚊，每注最低投注金額就係2蚊（即係超過50注）。三T投注分4類：單式、複式、一馬膽同兩馬膽投注。如果投注嘅其中一匹馬退出比賽，就由大熱門代替。
- 單式
- 每關揀3匹馬。
- 複式
- 其中一關揀超過3匹馬。
- 馬膽
- 投注人指定1匹或2匹馬膽。每個投注組合都會包埋馬膽。
香港俗語「十萬九千七」指，以三場都「一膽拖八腳」買三T，所有組合只買半注（五蚊），一共要 $5×28×28×28 = $109760。用咁多錢投注三T，如果賠率太熱都會輸錢。因此，「十萬九千七」除咗指好多錢之外，亦有大包圍嘅意思。所謂「一膽拖八腳」，就係要揀中一隻必入三甲嘅馬（膽），另外揀八隻馬（腳），三甲其餘兩隻馬都要被所揀八隻馬圍中。
- 《投注指南》，香港賽馬會
