出自維基百科,自由嘅百科全書
佐治·史提芬森(英文:George Stephenson;1781年6月9號—1848年8月12號[1]),係英國機械工程師、發明家。
史提芬森細個屋企窮,14歲就喺煤礦學徒,到18歲先開始返學,上進嘅佢後嚟被調為蒸氣機司機,重做埋工程師。當時已經有蒸氣發動嘅小型運煤車,但係就冇載人嘅。史提芬森解決咗穩定性、通風、高動力嘅問題,設計出第一架實用嘅蒸氣火車頭,因為外形而被命名為「半統靴號」。[2]
1825年,佢開住自己設計嘅蒸氣火車「運動號」,拖住卅幾卡,四、五百人去斯托頓港,打開咗鐵路運輸新一頁。[2]
- ↑ 中國大百科全書. 〈史蒂文生〉. 《中國大百科全書》. 原先內容歸檔喺2020-09-22. 喺2019-06-17搵到.
- ↑ 2.0 2.1 《影響人類文明發展的100位科學家》 作者:羅堇文