出自維基百科，自由嘅百科全書
中國人民政治協商會議，簡稱人民政協或政協，係中國共產黨領導嘅多黨合作同埋政治協商機構，係《中華人民共和國憲法》寫明政協係：
廣泛代表性的愛國統一戰線組織，過去發揮了重要的歷史作用，今後在國家政治生活、社會生活和對外友好活動中，在進行社會主義現代化建設、維護國家的統一和團結的鬥爭中，將進一步發揮它的重要作用
但係憲法並冇規定政協喺中國政治上嘅地位。政協最重要嘅職權係對內實行統戰，對外表現中共嘅民主。傳言政協好多嘅副主席都係退休嘅中共官員，又有好多係已受統戰嘅民主黨派嘅負責人，其中，香港特別行政區前行政長官董建華亦都係政協副主席。亦有好多政商界名流想擠身入政協委員個位。
中國人民政治協商會議下設有中國人民政治協商會議全國委員會（簡稱全國政協）以及各個地方嘅政治協商會議委員會。其中，全國政協常設機構為中國人民政治協商會議全國委員會常務委員會（簡稱「全國政協常委會」），常委會由主席，副主席，常委組成。
而家嘅全國政協主席一般由中共中央政治局常委擔任，第十、十一屆政協主席係賈慶林，佢兼任中共中央對台工作領導小組副組長，負責台灣嘅統戰事務，因而受到台灣人熟悉。
而家（第十四屆）嘅全國政協主席係王滬寧。
- 毛澤東（1949年－1954年，其後任名譽主席直至逝世，重兼任中國國家主席）
- 周恩來（1954年－1976年，任內逝世）
- 鄧小平（1978年－1983年）
- 鄧穎超（1983年－1988年）
- 李先念（1988年－1992年，任內逝世）
- 李瑞環（1993年－2003年）
- 賈慶林（2003年－2013年）
- 俞正聲（2013年－2018年）
- 汪洋（2018年－2023年）
- 王滬寧（現任）
