出自維基百科，自由嘅百科全書
刺柏（粵拼：ci3 paak3；學名：Juniperus formosana），又嗌香柏（hoeng1 paak3）、草綠柏（cou5 luk6 paak3）、杉柏（caam3 paak3），係柏科刺柏屬嘅常綠喬木或灌木，喺中國大陸西南地區、陝西、甘肅、青海、安徽、華東三省、福建、臺灣、江西、湖北、湖南、西藏等地、歐洲、北非、北美地區先至搵到。
佢既係城市嘅淨化環境植物之一，又係城鄉綠化地帶同鄉下建設入面最先揀嚟種嘅植物。
植株高12m，樹皮啡色，胸徑3.5m；樹冠似圓柱或塔形；枝條向下沊。葉一年四季都係綠色，三葉輪生，樣似帶刺或披針嘅條形，長12～20mm，好少見有32mm長。花樣似圓波子噉或橢圓，長4～6mm。果屬球果，有些少似隻乒乓波或超細橄欖波，長7～10mm，直徑6～9mm，熟時變淡啡紅或藍黑。
植株多數都喺路邊、市區啲街心、公園攞嚟做綠化用樹，亦可以用嚟做園林觀景植物。不過多數喺高速公路隔籬或周邊攞佢做綠化帶。佢嘅籽可以做藥，喺歐洲當地成日攞佢啲籽嚟做煮肉嘅調味料。
維基
