出自維基百科,自由嘅百科全書
劍麻(粵拼:gim3 maa4;學名:Agave sisalana),又叫菠蘿麻(bo1 lo4 maa4),係龍舌蘭科龍舌蘭屬嘅長年生草本植物,原產北美洲東邊或東南邊,而家喺全球各地嘅低緯度地區都可以搵到。
另外,呢種植物嘅抗污染同淨化空氣環境能力都好犀利下。
佢嘅梗係粗而短,葉好似個觀音座噉排喺梗上;葉個樣好似把劍噉,長1~1.5m,闊10-15cm,直兼肉質結構,初生時有白霜,之後逐漸甩皮而變深藍綠;正凹背凸,大多數係全緣,先端有長2~3cm啡紅色刺尖。花係圓錐花序,高6m,一般係黃綠色,有好濃埐味;花梗長5~10mm,花被管長15~25mm,裂片似圓角披針形,長12~20mm,基部闊6~8mm;花絲一般生喺花被裂片基部,長6~8cm;花藥長大概25mm;子房係橢圓形,長大概3cm,花柱好似條線噉,長6~7cm,柱頭稍微膨大啲;每年夏天開花。果係蒴果品種,一般係橢圓形,長大概6cm,闊2~2.5cm。每年秋天結果。
植物纖維可以用嚟做繩索;而麻葉渣可以做飼料;植株可以做道路、公園、街區景點、工廠同家庭嘅綠化植物。
劍麻嘅葉可以做藥。佢有涼血止血;消腫解毒。